Lajme

Raketa e dështuar e Koresë Veriore ishte nisur drejt Rusisë

Autori: Gazeta inFokus 11:31 | 03 May 2017

Raportohet se raketa e dështuar e Koresë Veriore ishte nisur drejt Rusisë para se zyrtarët ta shkatërronin atë para se ta linte territorin koreano-verior gjatë fluturimit.

Zyrtarët amerikanë kanë thënë se raketa balistike e gamës së mesme u shkrep nga një rajon verior i kryeqytetit të Koresë Veriore, Pyongyang, dhe u shpërbe pak minuta pas nisjes, transmeton Express.

Ka shumë mundësi që raketa ishte raketë balistike e gamës së mesme “KN-17”, sipas tyre, e cila u copëtua dhe ra në Detin e Japonisë duke mos dalë nga territori i Koresë Veriore.

Gazeta “Seoul Economic Daily” raporton se raketa udhëtoi 48 kilometra para se zyrtarët koreano-veriorë ta shpërthenin për shkak të druajtjeve se ishte nisur aksidentalisht drejt Rusisë.

Kjo gazetë më tej pohon: “Nëse raketa balistike që fluturoi drejt rajonit verilindor nuk do të kishte dështuar, atëherë do të kishte përfunduar në portin apo territorin rus.”

Sipas kësaj gazete, për këtë arsyeje zyrtarët koreano-veriorë e shkatërruan atë në ajër.

Etiketa:
Ofertë marramendëse nga Sharr Travel, me 75 euro vizitoni Vlorën, Tiranën e Beratin

Të tjera

Fokusi

lajme