Sport

Raiola e konfirmon të ardhmen e Ibrahimovicit dhe Pogbas

Autori: Gazeta inFokus 15:10 | 10 November 2018

Agjenti Mino Raiola ka konfirmuar se Zlatan Ibrahimovic e ka derën e hapur për t’iu bashkuar Milanit sërish, derisa ka thënë se Juventusi mbetet në zemrën e Paul Pogbas.

Përfaqësuesi i dy super yjeve të futbollit pritet të jetë në Itali në javët e ardhshëm dhe shtunën foli për Rai Sport rreth thashethemeve më të fundit në tregun e transferimeve që lidhen me klientët e tij.

Ibrahimovic mund të kthehet në “San Siro” pasi La Galaxy dështoi të kualifikohej në play-off të MLS-së.

-Advertisement-

“Mund ta konfirmoj atë që tashmë e kam thënë, marrëdhëniet me drejtuesit e rinj të Milanit i kemi të shkëlqyera, prandaj dera është e hapur. Të gjitha opsionet mbeten të hapura”, tha Riola.

Pogbas iu bë një mikpritje e ngrohtë nga tifozët e Juventusit në ndeshjen e mesjavës kundër Manchester Unitedit në Torino.

“Ai i ka ndrequr raportet me Jose Mourinhon dhe tani është më i qetë sepse ndihet i rëndësishëm në Manchester United, edhe nëse Torino dhe Juventusi mbesin në zemrën e tij”, shtoi ai.