Rafuna: Eksportet janë rritur me mbi 1 miliard, institucionet të kenë kujdes si po i trajtojnë produktet vendore
Autori: Gazeta inFokus
16:31 | 11 August 2026
Kryetari i Odës Ekonomike të Kosovës, Lulzim Rafuna ka shprehur shqetësimin për mënyrën se si tha se janë trajtuar produktet vendore së fundmi nga institucionet shtetërore, duke iu referuar Ministrisë së Bujqësisë dhe Agjencisë së Ushqimit dhe Veterinës.
Rafuna tha në një konferencë për media se “është ne padrejtë” se si po trajtohen prodhimet vendore, duke theksuar se “ky është një zinxhir i tërë që përfshn, prej fermerit, përpunuesit, prodhuesit, por edhe konsumatorit”.
Ai tha se nga viti 2022 është rritur importi me mbi 1 miliard euro, ndërsa eksporti ka mbetur në nivelin e njëjtë.
“Ne gjithmonë kemi kërku që prodhimet kosovare të mbështeten për shkak se edhe ashtu kemi pak prodhime që i prodhojmë në Kosovë dhe na ka mbytë importi. Dhe në qoftë se i shohim të dhënat zyrtare, shohim që… në qoftë se i krahasojmë me vitet e mëparshme, për shembull prej vitit 2022, shohim që mbi 1 miliard është rritur importi, ndërsa eksporti ka mbetur në vlera të njëjta”, tha ai.
Rafuna tha se “deficiti tregtar, prej 18.6% në 2022, është tkurrur në 14.4%”.
Kreu i OEK kërkoi nga institucionet që të kenë kujdes me veprimet dhe të mos prishin imazhin e produkteve vendore me të pavërteta.
“Kërkojmë me urgjencë nga institucionet e vendit, në këtë rast nga Agjencia e Ushqimit dhe Veterinës, por edhe nga Ministria e Bujqësisë që të mos marrin veprime të cilat e prishin imazhin ose krijojnë të pavërteta, ose edhe panik te konsumatorët që të mos i blejnë produktet e Kosovës”, tha ai.
Rafuna tha se “produktet e Kosovës prodhohen me standardet më të larta, janë me cilësinë më të lartë”.
“Janë produkte që unë jam dëshmitar dhe e them me përgjegjësi, u bëjnë konkurrencë edhe produkteve që prodhohen qe 100 vjet, jo vetëm në tregun rajonal, por edhe në tregun evropian”, tha ai.
Andaj, ai tha se “prodhimet tona nuk e meritojnë këtë trajtim”.
“Kërkojmë që produktet tona të subvencionohen, të mbrohen, por edhe të punohet që t’u gjindet një treg më i madh”, tha Rafuna.
Ai tha se kompanitë vendore kanë krijuar mijëra vende pune, ndërsa i kërkoi Ministrisë dialog dhe i ofroi mbështetjen përta zgjidhur këtë çështje.
“Këto kanë krijuar me mijëra vende pune dhe janë një segment shumë i rëndësishëm i degës së zhvillimit ekonomik dhe Oda Ekonomike e Kosovës është e gatshme që në çdo kohë, 24/7, t’i ofrojë Ministrisë, por edhe AUV-it të gjithë asistencën, mbështetjen, por edhe dialogun, që ta zgjidhim këtë paraqitje të produkteve tona që është krijuar me këto konferencat e fundit”, tha ai.
Rafuna kërkoi kujdes në trajtimin e produkteve vendore, sepse, siç tha, ato “janë produkte të Kosovës, janë mijëra vende të punës që mund të humbin, janë mijëra fermerë që mund t’i humbin bagëtitë e tyre si rezultat i krijimit të një imazhi jo të mirë për prodhimet tona”.
Kompanitë vendore, Rafuna tha se kanë kapacitet të eksportojnë në tregun e BE-së, por këtë s’mund ta bëjnë, siç tha, pikërisht për shkak se AUV-i nuk ka bërë sa duhet që “të njihet certifikata e veterinës”.
“Në vend që ne të punojmë që produktet tona të dalin, ne po e bëjmë të kundërtën”, tha ai.

T� tjera
-
Ilir Krasniqi: Erdhëm në Irlandë me fitu, shpresoj se kjo humbje do të na bëjë më të fortë
Mbrojtësi i kombëtares Dardane, Ilir Krasniqi, ka folur pas ndeshjes ndaj Irl...
-
ACPAC, the Organization Strengthening the Voice of Albanians in Canada, Brings Together Intellectuals and Prominent Figures and Sets Its Strategy for the Next Two Years
The Albanian-Canadian organization is expanding its engagement in Canada’s pu...
-
ACPAC, organizata që po fuqizon zërin e shqiptarëve në Kanada, mbledh intelektualë e personalitete dhe përcakton strategjinë për dy vitet e ardhshme
Organizata shqiptaro-kanadeze po zgjeron angazhimin e saj në jetën publike dh...
-
Irlanda trefishon epërsinë
Irlanda trefishon epërsinë Irlanda ka shënuar edhe golin e tretë ndaj Koso...
-
Irlanda shënon për 2:0, sërish nga pika e bardhë
Irlanda ka fituar një tjetër penalti, pasi atë e ka shkaktuar portieri Aro Mu...
-
Mbyllet pjesa e parë, Kosova në disavantazh
Është mbyllur pjesa e parë e përballjes Irlandë – Kosovë, që po luhet në Dubl...
-
Tasholli: Specialja mund të quhet “Gjykatë Fashiste”, po përdoret për hesape politike
Ismail Tasholli nga platforma qytetare “Liria ka Emër”, ka kritikuar ashpër G...
-
Hoti me kritika ndaj qeverisë: Anuluan projektin e gazit, paratë i orientuan për bateri që nuk prodhojnë energji
Deputeti i Lidhjes Demokratike të Kosovës (LDK), Avdullah Hoti, ka kritikuar ...
-
Kilaj deklarohet pas lirimit: S’është dasht me ekzistu fare ky proces
Ish-komandanti i Ushtrisë Çlirimtare të Kosovës (UÇK), Isni Kilaj, ka reaguar...
-
Irlanda kalon në epërsi ndaj Kosovës, Hajrizi përjashtohet me të kuq
Irlanda ka kaluar në epërsi ndaj Kosovës.Parrott ka realizuar nga penalltia. ...
-
FBI paralajmëron për sulme kibernetike në mbarë botën, hakerët po përdorin AI për të depërtuar në sisteme brenda tri orësh
FBI ka publikuar sot një paralajmërim për sulme kibernetike që mund të prekin...
-
Nis ndeshja Irlandë – Kosovë
Ka nisur përballja ndërmjet Irlandës dhe Kosovës, shkruan Gazeta Infokus. Të...

































