Lajme

Rada Trajkoviq ia bën tri pyetje të vështira Vuçiqit për barrikadat

Autori: Gazeta inFokus 14:22 | 30 December 2022

Këshilltarja e ministrit për komunitete dhe kthim në Qeverinë e Kosovës, Rada Trajkoviq, pas konferencës së sotme për media të presidentit të Serbisë, ka bërë të ditur tre pyetje për Aleksandar Vuçiqin lidhur me barrikadat.

“1. Pse Lista Serbe u bë naive për katër baza në veri? 2. A nuk e dinim për “fatkeqësinë e mundshme me NATO-n” përpara se të nxisnim njerëzit në barrikada dhe të ngrinim gatishmërinë luftarake? 3. Cili ishte në fakt qëllimi i barrikadave dhe interesi i kujt (privat)?”, ka shkruar Rada Trajkoviq në Twitter, ndërsa për ilustrim ka postuar një pjesë të raportit të Nova.rs.

Gjatë krizës në barrikada, në mesin e dhjetorit, Rada Trajkoviq u ndalua rrugës për në Kosovë, për një takim me ambasadorin e SHBA-së në Prishtinë, Geoffrey Hovenier dhe akoma më gjatë në rrugën e saj për në Serbinë qendrore.

-Advertisement-

Ajo është transportuar nga vendkalimi në spitalin e Prokuplës. Autoritetet shtetërore nuk dhanë shpjegim zyrtar për këtë ndalim, ndërsa Rada Trajkoviq, e cila me profesion është mjeke, publikoi foto të mavijosjeve, duke pretenduar se ato ishin pasojë e qëndrimit gati 24 orësh në vendkalimin Merdar.

Partia Radikale Serbe joparlamentare e Vojisllav Sheshelj publikoi informacione të supozuara në faqen YouTube se ku punojnë tre fëmijët e rritur të Rada Trajkoviqit.

Ajo më vonë njoftoi në Twitter se vajza e saj u ndalua në mënyrë të pashpjegueshme në aeroportin Nikola Tesla, por se ajo arriti të kthehej në Londër.

Subscribe në YouTube: GAZETA INFOKUSI
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

lajme