Fokus

Qeveria miraton shpronësimin e pronave për rrugën Prizren – Tetovë, tenderi i së cilës po shoqërohet me plot dallavere

Autori: Gazeta inFokus 16:59 | 08 May 2024

Qeveria e Kosovës ka miratuar vendimin përfundimtar për shpronësimin e parcelave të pronave që kanë të bëjnë me ndërtimin e rrugës Prizren-Tetovë, shkruan Gazeta Infokus.

Këtë e ka bërë të ditur ministri i infrastrukturës Liburn Aliu.

Ai tha se bëhet fjalë përkatësisht për segmentin Struzhë-Kyçja me Autostradën ‘’Ibrahim Rugova’’, në Prizren.

-Advertisement-

“Ndërtimi i Rrugës Prizren-Kufiri me Maqedoninë e Veriut (Tetovë), segmenti 𝐒𝐭𝐫𝐮𝐳𝐡𝐞̈-𝐊𝐲𝐜̧𝐣𝐚 𝐦𝐞 𝐀𝐮𝐭𝐨𝐬𝐭𝐫𝐚𝐝𝐞̈𝐧 “𝐈𝐛𝐫𝐚𝐡𝐢𝐦 𝐑𝐮𝐠𝐨𝐯𝐚”, në Prizren-Jug, L=20.350km, Zonat Kadastrale: Prizren, Vllashnje, Leskovec, Jabllanicë dhe Kushtendil, Komuna e Prizrenit”, thuhet në njoftimin e Aliut në “Facebook”.

Ditë më parë Gazeta Infokus ka siguruar tenderin e plotë me të cilin evidentoheshin shumë dallavere, dyshime për korrupsion e dhjetëra shkelje ligjore për të cilat dyshohet të kenë ndodhur në tenderin 35 milionësh të kësaj ministrie.

Sipas hulumtimit të Gazetës INFOKUS gjykata e tenderëve, ashtu siç njihet Organi Shqyrtues i Prokurimit Publik (OSHP), kishte marr tri ankesa nga operatorët ekonomikë të cilët kanë renditur shkeljet ligjore të gjetura gjatë procesit të vlerësimit të ofertave dhe përzgjedhjes së kompanive fituese.

Gazeta INFOKUS kishte hulumtuar gjithë dosjen e këtij procesi si dhe ka siguruar ankesat e operatorëve ekonomikë.

LEXO EDHE: Dallavere e dyshime për korrupsion, OSHP bombardohet me ankesa për tenderin 35 milionësh të Liburn Aliut për rrugën Prizren – Tetovë

Sipas këtij hulumtimi shkeljet më të mëdha në ‘LOT 3’, u injoruan ofertat më të lira, ku ministria e drejtuar nga Liburn Aliu dhe Hysen Durmishi, sipas operatorëve ekonomikë ka hyrë në telashe të mëdha dhe do të përfundojnë në prokurori për shkak të parregullësive dhe dyshimeve të mëdha që janë ngritur për favorizime dhe ndërhyrje në këtë proces prokurimi./Gazeta Infokus/

LEXO EDHE: Marrëveshja skandaloze e Liburn Aliut që pritet të ratifikohet të enjten në Kuvend i jep sovranitet Maqedonisë së Veriut të projektoi tunelin edhe brenda territorit të Kosovës

Subscribe në YouTube: GAZETA INFOKUSI
Etiketa:
MYZHDE për krejt!
-Advertisement-

Të tjera

Fokusi

fokus