Shkruan Agron Hoti:

E refuzuam Open Balkanin si nismë 100% amerikane të nënshkruar si Minischengen midis Shtëpisë së Bardhë në shtator 2020 mes Qeverisë së Kosovës dhe asaj të Serbisë me arsyetimin se në Open Balkan s’ishim të barabartë me Serbi, ngase Serbia s’e njihte Kosovën shtet. Qëllimi i SHBA-së ishte integrimi i rajonit pas zbehjes së procesit të integrimit evropian që kishte rezultuar me fillimin e shpërbërjes së BE-së e që pollli Brexitin. E Serbia për ta ekspozuar Kosovën si refuzuese të integrimit rajonal mundohej që bashkë me Rusinë ta përvetësonin Open Balkan-in vetëm e vetëm që Kosova të mbahej jashtë tij dhe ky qëllim u arrit, Kosova u ekspozua para Perëndimit si refuzuese e integrimit rajonal e që në fakt ishte refuzim 100% i SHBA-së. Harruam që Open Balkan ishte nënshkruar si Minischengen midis Shtëpisë së Bardhë dhe që mbështetej nga Ambasadorët Amerikanë në Kosovë, Shqipëri dhe Serbi, pastaj ishte vetë Oda Amerikane në Kosovë që e mbështeste pa asnjë rezervë atë.

Pas refuzimit të Open Balkanit amerikan, Kosova u deklarua se e donte Procesin të Berlinit gjerman, edhe pse edhe aty ishte dhe është e pabarabartë me Serbi, sepse as në Proces të Berlinit Serbia nuk e njeh Kosovën shtet, bile kishte qenë Serbia, e cila e kishte bllokuar Procesin e Berlinit pikërisht për shkak të Kosovës. E tash Kosova e refuzoi edhe Procesin e Berlinit, pra i tha jo integrimit rajonal aq shumë të kërkuar Perëndimi, e aq më tepër nga BE si kriteri kryesor për integrim evropian. Edhe këtu, Serbia bën ca provokime në veri, në mënyrë që ne të reagojmë, për fatin tonë të keq pa u koordinuar me miqtë tanë ndërkombëtarë, duke u futur kështu në grackë ku ende kemi ngelur të mbërthyer.

Mes refuzimit të Open Balkanit amerikan dhe Procesit të Berlinit gjerman, Kosova duke mos u koordinuar me Perëndimin në Veri e kishte refuzuar integrimin rajonal edhe në kuadër të Procesit të Stabilizim Asociimit, ngase duke u futur nën grackën e Serbisë, Kosova qe ekspozuar para Perëndimit si refuzuese e integrimit rajonal të Ballkanit Perëndimor si kusht për të ecur përpara në procesin e integrimit evropian.

Ku ka më keq sesa Kosova të refuzojë tri nisma perëndimore të integrimit rajonal, pra refuzuam Open Balkan të nisur nga Uashingtoni, refuzuam Procesin e Berlinit të nisur nga Berlini si dhe refuzuam Procesin e Stabilizim Asociimit të nisur nga Brukseli. Si ndodhi që Kosova nga e barabarta mes të barabartëve në përfitime e përfaqësim sa ishte nga 2000-2023, të përfundonte si refuzuese e integrimit rajonal dhe evropian, duke u futur kështu nën masa izoluese dhe pse jo ndëshkuese të Uashingtonit, Berlinit dhe Brukselit?! E Serbia e Rusia s’duan asgjë më shumë sesa refuzimin tonë të integrimit rajonal dhe evropian, e aq më tepër refuzimin tonë të nismave perëndimore.

Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…

Sponsoruar