Pse po ndodhin vërshimet dhe çfarë duhet të ndërmarrin institucionet në Kosovë?
Autori: Elvira Haxhiu 16:26 | 15 December 2022
Reshjet e dendura të shiut gjatë së mërkurës kanë bërë që disa shtëpi në Gjilan dhe në disa fshatra të kësaj komune të ketë vërshohen. E këto të reshura kanë shkaktuar dëme të konsiderueshme edhe në bujqësi, shkruan Gazeta Infokus.
Në disa pamje të publikuara në rrjete sociale, shihet se dëme janë shkaktuar në fshatrat Malishevë dhe Livoç të Epërm të Komunës së Gjilanit.
Lidhur me këtë situatë ka reaguar i pari i kësaj komune, Alban Hyseni, i cili ka apeluar te qytetarët që të mos hedhin mbeturina në shtretërit e lumenjve dhe hapësira publike, pasi si pasojë ka thënë se po bllokohet rrjedha e ujit të lumenjve.
“Ju bëjmë apel të gjithë qytetarëve që të mos hedhin mbeturina në shtretërit e lumenjve dhe hapësira publike, si pasojë e të cilave po bllokohet rrjedha e ujit të lumenjve”, thuhet në komunikatën për media.
Derisa është bërë e ditur se Drejtoria për Mbrojtje e Shpëtim si dhe ekipi i Njësisë Profesionale të Zjarrfikësve dhe Shpëtimit, që nga orët e hershme të mëngjesit kanë dalë në zonat të cilat janë prekur nga vërshimet dhe kanë intervenuar në pastrimin e disa pikave nga mbeturinat.
Por, cilat janë faktorët të cilët shkaktojnë vërshimet?
Njohës i çështjeve të emergjencave dhe njëherësh drejtori ekzekutiv i Qendrës Kërkimore për Politika të Sigurisë, Tahir Ahmeti, në një prononcim për Gazetën Infokus, ka thënë se shkaqet më të shpeshta të vërshimeve në zona rurale janë daljet e lumenjve nga shtrati si pasojë e reshjeve të dendura të shiut.
Ndërkaq sipas tij, vërshimet në zonat urbane ndodhin për shkak të infrastrukturës së dobët nëntokësore siç është ujësjellësi ose kanalizimi.
“Shkaqet më të shpeshta të vërshimeve kur kemi reshje me të dendura në vende rurale janë se kemi dalje te ujit nga shtretërit e lumenjve, kanaleve kulluese apo përroskave, kjo ndoshta për shkak se kemi pasur ndër vite eksploatim të pakontrolluar të zhavorrit mu në shtretërit e lumenjve, pastaj hedhja e mbeturinave të ndryshme nëpër këta lumenj dhe përroska, ndërsa në vendet urbane kryesisht ndodhin për shkak të infrastrukturës së dobët nëntokësore (ujësjellësi, kanalizimi etj.)”, ka thënë Ahmeti për Infokus.
Eksperti i sigurisë thotë se në mënyrë që të parandalohen këto lloj situata, institucionet e vendit duhet të rregullojnë shtretërit e lumenjve kanaleve kulluese apo proçkave.
“Para sezonës së reshjeve, organet kompetente, përveç masave të tjera parandaluese, duhet të bëjnë rregullimin e shtretërve të lumenjve, kanaleve kulluese apo proçkave, në mënyrë që të pengohet dalja e ujit nga shtretërit, e që pastaj mundë të shkaktojë vërshime, si dhe të ndalohet eksploatimi i pa kontrolluar i zhavorrit, mu në shtretërit e lumenjve, që ndikon direkt në rrjedhën normale të ujit i cili është i detyruar të del nga shtrati dhe të vërshoj, ka thënë njohësi i çështjeve të emergjencave për Infokus.
Sipas Tahirit, zona më e prekur nga vërshimet në Kosovë eshë rrafshi i Dukagjinit. Mirëpo ai nuk përjashton edhe zonat tjera të vendit.
“Sigurisht që sipas asaj që kemi parë deri më tani disa zona ku shkaktohen me tepër përmbytje janë zonat perëndimore të Kosovës, pra pjesa e rrafshit të Dukagjinit, por duke mos përjashtuar edhe zonat tjera anembanë vendit”, deklaroi ai.
Kujtojmë se në muajin e kaluar me vërshime u përballën edhe qytetarët e Pejës, Klinës dhe të Istogut, ku u shkaktuan mjaft dëme. E po ashtu vërshime patën edhe disa qytete e fshatra në rrafshin e Kosovës./Gazeta Infokus/
Të tjera
-
Përparim Rama: Problemit të mbeturinave në kryeqytet i erdhi fundi
Kryetari i Komunës së Prishtinës, Përparim Rama, ka njoftuar se kanë rritur k...
-
Pas Arbitrazhit, Kosova dështon edhe në Londër – do t’i paguajë ContourGlobalit 20 milionë euro
Gjykata Komerciale në Londër ka lënë në fuqi një vendim të Gjykatës Ndërkombë...
-
Zbulohet pllaka “Shtëpia e Durimit” në Shtëpinë Tradicionale të Familjes Qerkezi – Muzeu Historik 1999
Është zbuluar pllaka “Shtëpia e Durimit” në Shtëpinë Tradicionale të Familjes...
-
Pahor po përgatit një draft për dialogun Kosovë-Serbi, fillimisht dëshiron të koordinohet me Borrellin dhe vendet e QUINT-it
Ish-presidenti i Sllovenisë, Borut Pahor së fundmi është duke u përmendur si ...
-
Krasniqi kujton Masa*rën e Mejës: Ajo flet për viktimën dhe agresorin më fuqishëm dhe më drejtë se cilado gjykatë
Kryetari i Partisë Demokratike të Kosovës, Memli Krasniqi ka kujtuar masa...
-
Rohde për të pagjeturit: Keqardhje që s’është bërë progres në 3 vitet e fundit për shkak të bllokadës politike
Ambasadori gjerman në Kosovë, Jorn Rohde, në Ditën Kombëtare për Personat e Z...
-
Ambasada e ShBA-së për të zhdukurit e luftës: Prioritet gjetja e përgjigjeve për familjarët e tyre
Ambasada e Shteteve të Bashkuara të Amerikës në Kosovë ka shkruar për Ditën K...
-
Dita e të Pagjeturve dhe Masa*ra e Mejës, Haradinaj: Kurrë nuk do të ndalemi së kërkuari drejtësi
Kryetari i Aleancës për Ardhmërinë e Kosovës, Ramush Haradinaj ka përkujt...
-
KFOR-i konfirmon vetaksidentin në Leposaviq: Brenda veturës ishin katër ushtarë
Një veturë ushtarake e KFOR-it është aksidentuar gjatë ditës së martë në fsha...
-
Drita Millaku, Labinotë Demi Murtezi dhe Ardiana Matoshi nga Vetëvendosje, tri deputetet më pasive në Kuvendin e Kosovës
Instituti i Kosovës për Drejtësi ka publikuar raportin e monitorimit të punës...
-
“Daily Mail” e vlerëson Shqipërinë si perlë të fshehur
Është e lehtë të bindesh për të vizituar një destinacion magjepsës bazuar vet...
-
Tërmeti 6.5 ballësh godet Ishujt Bonin të Japonisë
Një tërmet me magnitudë 6.5 ka goditur Ishujt Bonin të Japonisë të shtunën, n...