Lajme

Prokuroria konfirmon nisjen e hetimeve për armët dhe drogën e djalit të Shefit të AKI-së

Autori: Gazeta inFokus 11:24 | 20 October 2018

Armë pa leje e substanca narkotike dyshohet se janë gjetur në veturë, pronë e Enver Maxhunit, por që është vozitur nga nipi i tij, që është djali i një prej njerëzve kryesorë të sigurisë në Kosovë, Shpend Maxhuni.Rasti i skandalit të Shefit të AKI’së, Shpend Maxhuni, me djalin e tij është konfirmuar edhe nga Prokuroria Themelore e Prishtinës.

Gazeta Express ka biseduar me zv.kryeprokurorin e Prishtinës, Ibrahim Berishën, i cili e ka konfirmuar se dje pasdite është dorëzuar në prokurori një kallzim penal lidhur me këtë çështje, mirëpo ai tha se nuk e di se për kë saktësisht bëhet fjalë.

“Dje policia e ka dorëzu kallëzimin penal për këtë çështje, por nuk i kam pa emrat, nuk e di kush ka qenë i përfshirë”, ka konfirmuar zv.kryeprokurori .

-Advertisement-

Berisha tha se Prokuroria tashmë është duke e hetuar këtë rast.

Rasti është konfirmuar edhe nga ana e Policisë së Kosovës.

Në orët e vona të datës 13 tetor të këtij viti, Policia e Kosovës e ka ndalur një veturë të tipit “Golf”. Në veturë kanë qenë tre persona.

Gazeta Express ka biseduar me anëtarin e Komisionit parlamentar për Mbikëqyrjen e AKI’së, deputetin Zafir Berisha, i cili ka thënë se për këtë do t’ia kërkojë dorëheqjen Shpend Maxhunit.

Që nga pas lufta Shpend Maxhuni është në hierarkinë e institucioneve të sigurisë. Fillimisht ishte Drejtor i Përgjithshëm i Policisë së Kosovës, e tash Shef i Agjencisë Inteligjente të Kosovës.

Subscribe në YouTube: GAZETA INFOKUSI
Etiketa:

Të tjera

Fokusi

lajme