Lajme

Programi raketor i Koresë Veriore po përparon më shpejt se që pritej

Autori: Gazeta inFokus 11:27 | 16 May 2017

Programi raketor i Koresë Veriore është duke përparuar më shpejt se që pritej, ka thënë sot ministri i Mbrojtjes i Koresë Jugore, Han Min-koo, pak orë pasi që Këshilli i Sigurimit të Kombeve të Bashkuara kërkoi që Veriu t’i ndalë të gjitha testimet bërthamore dhe të raketave balistike, si dhe e dënoi testimin e raketës balistike të së dielës.

Veriu i izoluar, i cili i ka injoruar të gjitha thirrjet për ta frenuar programin e vet të armëve, madje edhe nga aleati i vetëm i madh, Kina, është duke punuar në ndërtimin e një rakete, e cila të montuar ka një armë bërthamore, që është në gjendje ta godasë Amerikën, transmeton Express.

Administrata e Presidentit Donald Trump ka bërë thirrje që Veriu t’i ndalë menjëherë provokimet dhe ka paralajmëruar se epoka e durimit strategjik me Korenë Veriore ka marrë fund. Ambasadori amerikan i Çarmatimit, Robert Wood, ka thënë sot se ndikimi i Kinës është shumë i rëndësishëm dhe se Kina mund të bëjë më shumë.

-Advertisement-

Ndërkohë, Han Min-koo ka thënë sot në Parlamentin e Koresë Jugore se testimi i raketës balistike nga Veriu këtë të diele ishte i suksesshëm sa i përket fluturimit.

“Konsiderohet të jetë një IRBM (raketë balistike me rreze të mesme veprimi) i kalibrit të zgjeruar krahasuar me raketat “Musudan” që vazhdimisht kanë dështuar,” ka thënë ai, duke iu referuar një lloji të raketës që është e dizajnuar që të udhëtojë prej 3.000 deri në 4.000 kilometra.

I pyetur nëse programi bërthamor i Koresë Veriore është duke u zhvilluar më shpejt se që Jugu kishte pritur, ai ka thënë: “Po.”

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy