Sport

Presidenti FFK-së Agim Ademi viziton Stadiumin e Suharekës, koha për infrastrukturë të kompletuar

Autori: Gazeta inFokus 19:37 | 19 June 2022

Presidenti i FFK-së, Agim Ademi, ka realizuar një vizitë në Stadiumin e qytetit të Suharekës, ku aktivitetin e saj futbollistik e realizon Kamponi i Kosovës FC Ballkani.

Ademi ka thënë se është koha kur infrastruktura e objekteve të futbollit të jetë e kompletuar  dhe të këtë ekipe mirëmbajtëse në të gjitha stadiumet e Kosovës, që të ketë kushte të volitshme si për futbollistët ashtu edhe për tifozët, raporton Gazeta Infokus.

Presidenti Ademi ka lutur kryetarin e Suharekës, Bali Muharremaj që të vazhdojë me investime në infrastrukturën e futbollit dhe të qojë përpara procesin e dhënies për 99 vjet të tokës për ndërtimin e stadiumit.

Statusi i plotë i Ademit:

“Vizitat e sotme i vazhdova në Stadiumin e Qytetit në Suharekë, ku aktivitetin e vet e zhvillon kampioni i Kosovës, FC Ballkani.

Tashmë ka ardhur koha që infrastruktura e objekteve të futbollit të jetë e kompletuar dhe të ketë ekipe të mirëmbajtjes dhe menaxhimit në të gjitha stadiumet, në mënyrë që të krijojmë kushte të volitshme si për futbollistët, ashtu edhe për tifozët në tribuna.

I lutem kryetarit të kësaj komune, Bali Muharremaj që të vazhdojë edhe më tutje me investime në infrasturkturën e futbollit dhe të çojë përpara procesin që FC Ballkanit t’i jepet në shfrytëzim për 99 vjet parcela për ndërtimin e stadiumit.

Kjo do të na mundësonte edhe neve si FFK që të investojmë me fondet e UEFA-s dhe FIFA-s.

Vizitat e mia do të vazhdojnë nëpër të gjitha stadiumet, ngase përmirësimi i infrastrukturës është prioritet në mandatin tim të ri, në mënyrë që të krijojmë kushte sa më të mira si për futbollistët e po ashtu edhe për tifozët, në mënyrë që futbollit t’ia rikthejmë popullaritetin që i takon.

Edhe një herë kërkoj nga të gjitha organet relevante që janë  kompetente për stadiumet e futbollit që t’i kryjenë punët e tyre të vrazhda dhe të na mundësojnë realizimin e projekteve tona që  kanë mbetur pezull, siç është vendosja e reflektorëve në stadiume.

Ne duam që ndeshjet e Superligës tonë të kthehen të luhen në orët e mbrëmjes, pasi në këtë mënyrë ndeshjet e futbollit në secilin qytet do të ktheheshin në ngjarje kryesore të mbrëmjes dhe kësisoj do t’i mundësonim qytetarëve tanë që me familjet e tyre t’i përcjellin ekipet e zemrës në kushte të volitshme.

#BashkëPërFutbollin”, ka shkruar Presidenti i FFK-së, Agim Ademi, në facebook./Gazeta Infokus/

Të tjera