Presidenti Biden ndryshon qëndrim për murin në kufi me Meksikën
Autori: Gazeta inFokus 08:29 | 06 October 2023
Administrata e Presidentit Joe Biden tha të enjten se do ta zgjerojë murin në kufirin me Meksikën, në përpjekje për të frenuar numrin rekord të emigrantëve, duke iu rikthyer një politike të miratuar gjatë administratës së ish-presidentit Donald Trump.
Trump e bëri ndërtimin e murit në kufi një parim qendror të fushatës së tij për president në zgjedhjet e vitit 2016.
Një nga veprimet e para të Biden pas marrjes së detyrës në janar 2021 ishte ngrirja e fondeve për murin dhe ndërprerja e ndërtimit të tij.
Ish-presidenti Trump e quajti fitore ndryshimin e qëndrimit të pasardhësit të tij dhe tha se Biden duhet t’i kërkonte falje.
“Siç e kam thënë shpesh, në mijëra vjet, vetëm dy gjëra kanë funksionuar vazhdimisht: rrotat dhe muret!”, shkruajti ai në rrjetet sociale.
“A do të kërkojë falje Joe Biden ndaj meje dhe Amerikës që iu desh kaq shumë kohë të vepronte?”
Presidenti i Meksikës, Andres Manuel Lopez Obrador e quajti lëvizjen e Shtëpisë së Bardhë “një hap prapa”.
Administrata amerikane tha se ndryshimi nuk ishte një devijim nga politika e zotit Biden e vitit 2021, sepse fondet që u përcaktuan gjatë mandatit të Trump në vitin 2019, duhej të shpenzoheshin tani.
I pyetur nga gazetarët nëse muri përgjatë kufirit funksionon, Biden tha “jo”, por shtoi se administrata duhej t’i përdorte fondet.
“Unë nuk mund ta ndaloj një gjë të tillë,” tha ai. Emigracioni ka të ngjarë të jetë një nga çështjet kryesore të fushatës në vitin 2024, ku presidenti Biden dhe ish-presidenti Trump ka gjasa të jenë përsëri përballë njëri-tjetrit.
Shumica e amerikanëve – 54% – pajtohen me deklaratën se “imigracioni po e bën jetën më të vështirë për amerikanët e lindur në vend”, sipas një sondazhi të muajit shtator realizuar nga Reuters/Ipsos. Rreth 73% e republikanëve dhe 37% e demokratëve të anketuar ranë dakord me këtë deklaratë.
Vendimi i administratës së Presidentit Biden për të vazhduar me barrierat kufitare e ekspozon presidentin ndaj kritikave nga baza e tij e majtë. Biden bëri përpjekje në fillim të mandatit të tij që një projekt-ligj gjithëpërfshirës që do të reformonte imigracionin, të miratohej në Kongres, por opozita republikane e pengoi atë.
Administrata ka hasur sfida praktike dhe politike e përballur me një numër rekord kalimesh të emigrantëve në kufirin SHBA-Meksikë gjatë mandatit të Biden.
Fluksi i tyre ka tensionuar qytetet amerikane në kufi. Guvernatorët republikanë të shteteve pranë kufirit, të cilët thonë se Biden nuk ka bërë sa ç’duhet për frenimin e tyre, kanë transportuar me autobuzë emigrantë në qytetet e kontrolluara nga demokratët, si Nju Jorku dhe Çikago. Kjo ka bërë që disa udhëheqës amerikanë tani ta kritikojnë Biden.
Kryetari i Bashkisë së Nju Jorkut, Eric Adams, filloi të enjten një udhëtim në Meksikë, Kolumbi dhe Ekuador për t’u thënë emigrantëve të mundshëm se qyteti i tij nuk mund t’i strehojë, pasi sistemet lokale të strehimit janë mbingarkuar. /VOA
Të tjera
-
Shtëpia e poetit Ymer Elshani do të kthehet në muze
Deputetja nga radhët e Partisë Demokratike të Kosovës, Blerta Deliu-Kodra, ka...
-
Të shtëna me ármë te lokali “Hamari”në Prishtinë, Policia gjen disa gëzhoja në vendngjarje
Të shtëna me armë zjarri janë dëgjuar në orët e para të mëngjesit të sotëm te...
-
Ndriçimi smart në kryeqytet, LVV: Tenderi shkon në dëm të buxhetit të komunës
Kordinatori i Lëvizjes Vetëvendosje në Prishtinë, Arben Brovina, në një konfe...
-
Bie nataliteti në Kosovë, ASK dhe MPB me statistika të ndryshme për lindjet
Tkurret numri i shtimit të popullsisë në Kosovë vit pas viti. Në dekadat e fu...
-
Vetëvendosje në Prishtinë mban konferencë për media, ka disa akuza për Ramën
Arben Brovina, koordinator i nën komiteteve të lëvizjes Vetvendosje, qendra n...
-
Petkoviqi: Anëtarësimi i Kosovës në KiE operacion kundër Serbisë
Operacion kryesisht të drejtuar kundër Serbisë dhe popullit serb, e ka quajtu...
-
Sa ḁrmë pa leje kanë kosovarët?
Armët pa leje në duart e qytetarëve të Kosovës, paraqesin rrezik serioz, thon...
-
Arrestohet një i dyshuar për vra*je në tentativë në Ferizaj
Është arrestuar dje një person për vrasje në tentativë në Ferizaj që ka ndodh...
-
Shitet për një vlerë marramendëse, ora e njeriut më të pasur të Titanikut
Një orë xhepi prej ari, e gjetur në trupi e njeriut më të pasur në bordin e T...
-
Burri në Viti raporton se i është vjedhur kasaforta me para
Një burrë në Viti ka raportuar se persona të panjohur kanë vjedhur një kasafo...
-
U dërgua në gjendje të rëndë shëndetësore në QKUK, vdes shtetasja serbe
Të shtunën në Qendrën Klinike Universitare të Kosovës ka ndërruar jëtë një gr...
-
Iraku miraton ligjin kundër marrëdhënieve të së njëjtës gjini, deri në 15 vjet burg
Parlamenti i Irakut ka miratuar një ligj që dënon marrëdhëniet e të njëjtës g...