Lajme

Policia do të fillojë të kontrollojë kolonat e dasmave për armë

Autori: Gazeta inFokus 23:04 | 16 August 2022

Për shkak të përdorimit të madh të armëve të zjarrit në ahengje familjare, Policia Rajonale e Prishtinës do të bëjë kontrollimin e kolonave të dasmave. 10 armë janë sekuestruar brenda 24 orëve.

Dhjetëra vetura të cilat sipas traditave nisen për marrjen e nuses, do të kenë punë me Policinë e Kosovës. Të paktën, ato që kalojnë nëpër rrugët e Prishtinës.

Krejt kjo për të identifikuar përdoruesit e armëve.

-Advertisement-

“Policia e Rajonit të Prishtinës, konform detyrimit ligjor që ka, obligohet që në rastet e tilla të filloj kërkimin për armët e përdorura në rast, të ndaloj kolonat e dasmorëve për t’i kontrolluar dhe ndaj personave të dyshuar në situata të caktuara të ndërmarrë edhe bastisje në shtëpitë ku dyshohet për raste të tilla”, kanë deklaruar nga Policia e Kosovës.

Kjo masë vjen për shkak të rritjes së rasteve të përdorimit të armëve në ahengje familjare.

Statistikat bazuar në raportet ditore të Policisë së Kosovës, tregojnë se vetëm nga 1 gushti janë raportuar 34 raste të gjuajtjes me armë zjarri në festat e kosovarëve.

Se duhet ndërmarrë masa nga institucionet e sigurisë po e konsiderojnë të duhur ekspertë të sigurisë.

Kajtazi tregon për rrezikun e madh që gjuajtjet me armë shkaktojnë kur ka grumbullime të njerëzve.

Gjatë 24 orëve të fundit janë sekuestruar 38 armë zjarri, 10 nga to në ahengje familjare.

Numri i armëve janë marrë nga organet e rendit gjatë këtij viti është afër 700.

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

lajme