Lajme

Po shkonin në një konferencë që mbahej për Pashkët, autobusi bie nga shkëmbi, vdesin 45 pasagjerët! Shpëton mrekullisht vajza tetë vjeçare

Autori: Gazeta inFokus 07:38 | 29 March 2024

Dhjetra besimtarë vdiqën pasi një autobus që shkonte për në një konferencë të Pashkëve u rrëzua nga një shkëmb në provincën Limpopo të Afrikës së Jugut të enjten (28 mars).

Si pasojë e aksidentit tragjik, humbën jetën 45 persona dhe një tjetër ka mbetur i plagosur rëndë. E mbijetuara e vetme është një vajzë tetë vjeçare e cila u transportua me helikopter në spital.

CNN shkruan se pasagjerët ishin pelegrinë që udhëtonin nga Gaborone, kryeqyteti i vendit fqinj Botsvana në një kishë për një konferencë të Pashkëve.

-Advertisement-

Përplasja ndodhi në kalimin malor të Mamatlakala mes Mokopane dhe Marken. Autobusi raportohet të ketë marrë flakë pasi ka rënë.
Në një deklaratë, departamenti i transportit i provincës tha se dyshohet, shoferi humbi kontrollin dhe autobusi ra në një sipërfaqe shkëmbore, rreth 50 metra nën urë dhe mori flakë.

Sipas deklaratës, po vazhdojnë përpjekjet për gjetjen e trupave të pasagjerëve të vrarë, disa prej të cilëve janë djegur pothuajse plotësisht.

Subscribe në YouTube: GAZETA INFOKUSI
Etiketa:
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera

Fokusi

lajme