Lajme

Përvetësuan mbi 2 mijë euro nga pacientët në QKMF-në e Prizrenit, arrest shtëpiak për dy zyrtarët

Autori: Gazeta inFokus 16:16 | 04 August 2026

Gjykata Themelore në Prizren, Departamenti i Krimeve të Rënda, ka caktuar masën e arrestit shtëpiak prej një muaji ndaj të pandehurve Xh.B. dhe B.R., të cilët dyshohen për kryerjen e veprës penale “Përvetësimi në detyrë në bashkëkryerje dhe në vazhdimësi”.

Masa do të zgjasë deri më 3 shtator 2026.

Sipas vendimit të gjyqtares së procedurës paraprake, të pandehurit e kanë të ndaluar të largohen nga vendbanimi pa lejen e gjykatës dhe nuk guxojnë të kontaktojnë me persona me të cilët nuk jetojnë apo nuk janë të varur prej tyre. Nëse e shkelin këtë masë, ndaj tyre do të cakohet masa e paraburgimit. Zbatimi i arrestit shtëpiak do të mbikëqyret nga Stacioni Policor, i cili ka të drejtë të bëjë verifikime në çdo kohë.

-Advertisement-

Nga provat e grumbulluara deri më tani, existon dyshimi i bazuar se të pandehurit, gjatë ndërrimeve të natës në Qendrën Kryesore të Mjekësisë Familjare (QKMF) në Prizren, kanë përvetësuar paratë e arkëtuara nga pacientët për shërbimet e marra shëndetësore.

Përvetësimi i mjeteve ka ndodhur në dy periudha kohore: Gusht – Nëntor 2024 Shkurt – Dhjetor 2025.

Sipas hetimeve të deritanishme, i dyshuari Xh.B. ka përvetësuar shumën prej 1,250 eurove, ndërsa i dyshuari B.R. ka përvetësuar 1,032 euro. Dëmi i përgjithshëm i shkaktuar nga kjo veprimtari e kundërligjshme llogaritet të jetë 2,282 euro.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy