Lajme

Përqafime të ngrohta, lule dhe buzëqeshje, çfarë nuk u pa nga Samiti i djeshëm

Autori: Gazeta inFokus 08:27 | 07 December 2022

Kryeministri Rama ka publikuar ditën e sotme një foto album nga dita e djeshme.

Më 6 dhjetor 2022 në Tiranë u mbaj Samiti historik BE-Ballkan i Perëndimor.

“Dhe me fotoalbumin e një ngjarjeje të paharrueshme në historinë e marrëdhënieve ndërkombëtare të Shqipërisë, ju uroj një ditë të mbarë”, shkruan kryeministri krahas fotove të publikuara.

-Advertisement-

Lider të 26 vendeve anëtarë të Bashkimit Europian, drejtues të institucioneve kryesore të Unionit, si dhe liderë të shteteve të Ballkanit ishin dje në Tiranë, ku u mbajt samiti i BE-Ballkani Perëndimor, i pari në histori që mbahet jashtë kufijve të BE-së.

Zgjerimi i BE në Ballkanin Perëndimor duket se është kthyer në një çështje primare të bllokut, kjo për shkak të agresionit të Rusisë mbi Ukrainë dhe rritjes së tensioneve.

Në të njëjtën ditë që u mbajt takimi i nivelit të lartë mes udhëheqësve të BE-së dhe atyre të Ballkanit Perëndimor, opozita mbajti një protestë, e cila u shënua nga incidente. Ish-kryeministri Sali Berisha, u sulmua fizikisht nga një person i quajtur Gert Shehu, i cili u neutralizua nga badigardët e Berishës dhe u arrestua nga policia.

Në përfundim të samitit, kryeministri Edi Rama dhe krerët e BE, Ursula von der Leyen dhe Charles Michel mbajtën një konferencë të përbashkët, në të cilën këta të fundit theksuan mbështetjen e bllokut për rajonin.