Analisti, Shenoll Muharremi ka reaguar pas një deklarate premtimi elektoral që kryeministri i Kosovës, Albin Kurti dha në njërin prej tubimeve të partisë së tij.

Muharremi ka cituar Kurtin i cili ka thënë se “Pagën minimale e gjetëm 130-170€, e kena ba 350€. Në mandatin që vjen e bëjmë 500€. “Paramendo” tha “me punu te privati dhe ta jep pagën 700€. Plus shtesa 500€, të bëhet 1,200€ pagë!”, derisa ka shtuar se është dashtë ta dëgjojë 5 herë për të kuptuar nëse Kurti ka bërë ndonjë magji ekonomike që kjo të ndodhë realisht.

“Ekonomi Magjike: Si të bësh pagën 1,200€ pa e ditë as vet. KM sot tha: “Pagën minimale e gjetëm 130-170€, e kena ba 350€. Në mandatin që vjen e bëjmë 500€. “Paramendo” tha “me punu te privati dhe ta jep pagën 700€. Plus shtesa 500€, të bëhet 1,200€ pagë!”  U detyrova me dëgju fjalimin 5x mos është ndonjë magji apo zbulim ekonomik për nobel, po jo, mirë e kam shkruajt, ashtu si po e lexoni. A breee, sa tepër jeni lodhë, e sa shumë po lakmoni për pushtet saqë nuk ka mbetë më asnjë standard pa u thy në zgjedhje. Tash po i përzinë gjërat si sallatë!”, shkruan Muharremi në reagimin e tij.

-Advertisement-

Ai i ka reaguar kryeministrit për shkak se sipas tij po “mashtron” në fushatë duke u thënë të rinjve se nëse pagën e kanë 700 euro me pagë minimale 500, paga e tyre kap shifrën 1,200 euro e që paga minimale nuk është shtesë dhe as bonus në pagë.

Derisa ka ironizuar duke thënë se shpreson që një matje të tillë partia në pushtet nuk i ka bërë edhe votave prej “500k” që po i kërkojnë nga qytetarët se përndryshe nuk  do të dalë as 300 mijë.

“Paga minimale nuk është shtesë, është vlerë minimale që duhet respektu, jo bonus me i shtu pagës! Kryeministri po ju thotë të rinjve: “Nëse e ke pagën 700€, me pagë minimale 500€ të bëhet 1,200€” 🤯 Realiteti? S’ka kurgjo prej 1,200€ pagë, veç fjalime boshe zgjedhore. Ishalla votat s’i kanë llogaritë kështu, se 500K, as 300K nuk ju del”, shkruan ai./Gazeta Infokus

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-