Përfundon aksioni “Brezovica”, ende nuk dihet sa autosallone, shtëpi e lokale janë bastisur
Autori: Gazeta inFokus 12:27 | 02 March 2023
Njësitë e Specializuara të Policisë së Kosovës janë aktivizuar sot qysh në orët e para të mëngjesit.
Policia në bashkëpunim me Prokurorinë Themelore të Ferizajt si dhe Administratën Tatimore të Kosovës kanë zbarkuar në disa lokacione.
Të njëjtit janë duke realizuar një operacion të gjerë, në kuadër të vazhdimit të aksionit të njohur tashmë për publikun si “Brezovica”.
Zyrtarët policorë kanë nisur bastisjet e shumta që në orët e para të mëngjesit.
Në një deklaratë për lajmi.net, zëdhënësi i Policisë së Kosovës, Baki Kelani ka konfirmuar aksionin derisa ka theksuar se i njëjti po zhvillohet në disa lokacione si: Prishtinë, Ferizaj, Mitrovicë dhe Gjilan.
“Operacioni policor ka të bëjë me hetimet dhe luftën kundër fenomenit të fajdeve, ku për informacione dhe detaje shtesë do të njoftoheni pas operacionit policor”,tha Kelani.
Prokurori i rastit, Rasim Maloku ka deklaruar për lajmi.net se aksioni në fjalë tashmë ka përfunduar.
“Operacioni ka përfunduar”, ka thënë shkurt Maloku.
Gjithashtu ai theksoi se ende nuk kanë informacione të zgjeruara nga raportet policore në lidhje me bastisjes e kryera.
Sipas tij ende nuk dihet numri i autosalloneve të cilat janë kontrolluar.
Në një njoftim për media të bërë mëngjesin e sotëm, Prokuroria Themelore në Ferizja ka njoftuar se aksioni po realizohej në disa autosallone, shtëpi dhe lokale përcjellëse, nën dyshimin për veprën e njohur si “Fajde”.
“Sot, është duke e realizuar një aksion i cili ka rrjedh në kuadër të hetimeve lidhur me rastin “Brezovica”, ku, me ç’rast gjatë këtij aksioni, janë kontrolluar dhe bastisur disa autosallone, shtëpi dhe lokale përcjellëse në lokacione të ndryshme, konkretisht në qytetin e Prishtinës, Ferizajt, Vushtrrisë dhe Lipjanit, për shkak të dyshimit të veprave penale “Fajdeja” nga neni 331 par.3 lidhur me par. 1 të Kodit Penal të Republikës së Kosovës, “Shmangia nga tatimi” nga neni 307 par.1 lidhur me par 3 të KPRK-së dhe “Detyrimi” nga neni 328 par.2 të KPRK-së”.
Duhet përkujtuar që rasti “Brezovica” është mjaftë i njohur për publikun e gjerë. Në kuadër të kësaj , Policia e Kosovës prej shumë muajsh ka zhvilluar aksione të njëpasnjëshme në disa zona të vendit.
Padyshim se zonat më të prekura ishin ato përreth Brezovicës, ku villave të shumta veçse u janë bllokuar hyrjet.
Hetimet në lidhje me rastin “Brezovica” janë duke vazhduar, nën dyshime për keqpërdorime të shumta të cilat janë bërë në përfitim të personave të ndryshëm.
Të tjera
-
Osmani kujton Betejën e Çabratit: Vendosja e drejtësisë është angazhim i yni i vazhdueshëm
Beteja e Çabratit paraqet stoicizmin e vajzave dhe djemve të Brigadës 137 “Gj...
-
I dyshuari që dhu*noi se*ksua*lisht për një vit 14 vjeçaren nga Ferizaj dyshohet se ishte zyrtar i Policisë së Kosovës
Herën e parë e kishte dhunuar në Autobus. E më pas për një vit rresht 59 vjeç...
-
Kosova të bëjë gjithçka që është e mundur që ta sigurojë mbështetjen e Komitetit të Ministrave
Kryeministri i Shqipërisë, Edi Rama, e ka mirëpritur vendimin e BE-së për mir...
-
Kurti: Kosova ka nevojë për një qeverisje efikase që i përmbush nevojat e qytetarëve
Kryeministri i Kosovës, Albin Kurti ka thënë se administrata publike ësht...
-
Ambasada britanike: Kosova të bëjë gjithçka që është e mundur që ta sigurojë mbështetjen e Komitetit të Ministrave
Në Strasburg sot zëvendësministrat e Jashtëm të vendeve anëtare janë duke bër...
-
ASK i bën thirrje qytetarëve që të regjistrohen: Është obligim ligjor
Agjencia e Statistikave e Kosovës i ka bërë thirrje qytetarëve që ta shfrytëz...
-
”Elektrosever” nis instalimin e njehsorëve inteligjentë në veri
Kompania “Elektrosever” do të fillojë instalimin e njehsorëve të rinj intelig...
-
Përparim Rama: Deri në transformim, ish-ndërtesa e Gërmisë do të shërbejë për ekspozita
Kryetari i Komunës së Prishtinës, Përparim Rama, ka publikuar pamje nga punim...
-
Selmanaj: Kam dëgjuar se në burgun e Dubravës po u duhet të presin nga 10 ditë për t’u pastruar
Deputeti nga radhët e Lidhjes Demokratike të Kosovës, Driton Selmanaj, tha se...
-
Raporti i Borell për çështjen e masave ndaj Kosovës në përfundim e sipër, pritet t’u dorëzohet shteteve
Zëdhënësi i Bashkimit Evropian, Peter Stano, ka thënë se Brukseli zyrtar e ka...
-
Mblidhen zëvendësministrat në Strasburg, s’dihet nëse Kosova është agjendë
Në Strasburg, sot pritet të takohen zëvendësministrat e Jashtëm të vendeve an...
-
23 vjeçari nuk respektoi masën mbrojtëse, Policia në Ferizaj ia konfiskon veturën dhe e gjobitë me 500 euro
Policia e Kosovës ka gjobitur një shofer të moshës 23-vjeçare në Ferizaj, meq...