Sport

Pele tregon se a ka bërë mirë Neymar që është larguar nga Barcelona

Autori: Gazeta inFokus 17:37 | 04 September 2017

Braziliani legjendar, Pele, beson se bashkëvendësi i tij, Neymar, ka bërë mirë që është larguar nga Barcelona.

Neymar këtë verë u bë futbollisti më i shtrenjtë në histori, kur për 222 milionë euro u transferua nga Barcelona te PSG.

Për Pelen, kalimi i Neymar te PSG, është një hap i duhur për karrierën e tij, ku shpreson që tani të arrijë t’i bashkohet Rivaldos, Kaka’s, Ronaldos e Ronaldinhos, për të fituar trofeun e Topit të Artë.

“Për momentin te Brazili Neymari është futbollisti më i mirë, dhe largimi ka qenë një hap i duhur pasi te Barcelona kishte një konkurrencë të madhe me Messin”, ka deklaruar Pele për Marca, përcjell lajmi.net.

“Mendoj se ai tani ka një mundësi të mirë për të treguar aftësitë e tij, por nganjëherë kjo përgjegjësi di të jetë edhe e rrezikshme”.

-Advertisement-

Subscribe në YouTube: GAZETA INFOKUSI