Ekonomi

Pas taksës në mungesë të produkteve, tregtarët kosovarë rritën çmimet e ushqimeve

Autori: Gazeta inFokus 12:00 | 12 May 2019

Taksën prej 100 për qind të vendosur nga Kosova për produktet që futen në vend nga Serbia dhe Bosnja e Hercegovina, e kanë shfrytëzuar tregtarët kosovarë.

Në mungesë të produkteve nga këto shtete, ata kanë rritur çmimet, shkruan Gazeta inFokus.

Në një analizë të publikuar nga Instituti GAP thuhet se në mesatare, çmimet e ushqimeve kanë qenë rreth 5.3 për qind më të larta prej kur është vendosur taksa.

-Advertisement-

“Në mesatare, çmimet e ushqimeve kanë qenë rreth 5.3% më të larta në periudhën sa ka qenë taksa në fuqi (nëntor-mars 2019) krahasuar me periudhën e njëjtë të vitit të kaluar. Në mungesë të produkteve zëvendësuese për disa prodhime kosovare, prodhuesit vendor i kanë rritur çmimet me hyrjen në fuqi të taksës prej 100%”, thuhet në analizën e këtij instituti.

Megjithatë, tregtarët e prodhuesit kosovarë nuk e shfrytëzuan taksën për ta rritur prodhimin e për të shtuar numrin e punëtorëve.

“Të dhënat nuk tregojnë për ndonjë rritje të përshpejtuar të industrisë përpunuese në Kosovë, qoftë sa i përket vëllimit të prodhimit apo gjenerimit të vendeve të reja të punës. Të gjitha këto lënë për të kuptuar se prodhuesit vendor nuk kanë arritur t’i shfrytëzojnë mundësitë”, theksohet nga GAP.

E këtu mund të ketë ndikuar edhe zëvendësimi i importit nga këto dy shtete, nga vendet e tjera. /Gazeta inFokus

VIVA FRESH E SHPALL KREEEEJT MUAJIN BLACK NOVEMBER!
-Advertisement-

T� tjera

Fokusi

ekonomi

Ky website përdor cookies. Duke vazhduar përdorimin, ju pranoni përdorimin e tyre.

Privacy policy