Auto&Tech

Paralajmërohet videoloja e re Need for Speed (VIDEO)

Autori: Gazeta inFokus 16:39 | 05 June 2017

Kompania e njohur e videolojërave, EA, ka prezantuar videolojën e re të Need for Speed si dhe ka konfirmuar se ajo do të jetë në dispozicion nga muaji nëntor i këtij viti.

Videoloja e re quhet Need for Speed Payback, e cila luhet në Fortune Valley – një qytet i imagjinuar, transmeton Koha.net. Lojtarët do të mund të luajnë këtë video-lojë në tri karaktere, të cilët kërkojnë të hakmerren kundër The House, një kartel i fuqishëm.

“Need for Speed rikthehet këtë vit për të sfiduar atë që lojtarët presin nga video-lojërat me gara. Ne ende jemi duke ofruar atë që fansat dëshirojnë rreth kësaj franshize – një sërë veturash mbresëlënëse, garat intensive dhe ndjekjet të hapura nëpër botë – por me Need for Speed Payback, ne jemi duke i bërë të gjitha këto elementet së bashku në një eksperiencë të re të vozitjes”, ka thënë Marcus Nilsson, prodhues ekzekutiv.

-Advertisement-

Videoloja Need for Speed Payback do të jetë në dispozicion për PS4, Xbox dhe kompjuter personal nga 10 nëntori i këtij viti.