Fokus

Paragjykimet ndaj personave me probleme të shëndetit mendor- Psikologia Haziri flet për etiketimet dhe ndikimin e tyre në mirëqenie

Autori: Gazeta inFokus 15:36 | 14 Tetor 2026

Etiketimet dhe paragjykimet shoqërore vazhdojnë të ndikojnë në mirëqenien emocionale të personave me aftësi të kufizuara intelektuale, duke i bërë ata të hezitojnë të shprehin ndjenjat dhe vështirësitë me të cilat përballen.

Për këtë çështje ka folur psikologia Kaltrina Canolli Haziri në emisionin DoktorPlus, me moderatoren Arjeta Osmani, duke u bazuar në përvojën e saj profesionale dhe punën me personat me aftësi të kufizuara intelektuale në organizatën “Klubi Dëshira”.

“Këta persona përballen me stigmatizim dhe etiketime fyese, të cilat ndikojnë në mënyrën se si e shohin veten dhe në gatishmërinë e tyre për të folur për problemet personale.”, ka thënë në DoktorPlus.

-Advertisement-

Sipas Canolli Hazirit, frika nga paragjykimi mund t’i pengojë ata të ndajnë edhe përvojat e përditshme, si vështirësitë në marrëdhëniet familjare, nga frika se mund të etiketohen apo të konsiderohen të paaftë për punë.

Canolli Haziri nënvizoi se një qasje e tillë është e rëndësishme jo vetëm për përmirësimin e shëndetit mendor, por edhe për rritjen e mirëqenies së përgjithshme të personave me aftësi të kufizuara intelektuale.

Sipas saj, luftimi i stigmatizimit dhe krijimi i një mjedisi ku secili ndihet i pranuar dhe i vlerësuar janë hapa të rëndësishëm drejt një shoqërie më gjithëpërfshirëse.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy