Lajme

Pamje nga momenti kur eskorta e Besnik Bislimit u kthye mbrapsht nga autoritetet serbe

Autori: Gazeta inFokus 16:36 | 27 October 2022

Zëvendëskryeministri i Kosovës, Besnik Bislimi sot udhëtoi për në Beograd për të marrë pjesë në forumin për marrëdhënie etnike.

Mirëpo ai u kthye mbrapsht nga autoritetet serbe. Këtë e ka konfirmuar Dushan Janjiq organizator i konferencës në të cilën ka pasur të marrë pjesë zv. kryeministri.

Janjiq ka konfirmuar se Bislimi edhe zyrtarisht ka anuluar pjesëmarrjen derisa ka shtuar se po përgatitin edhe një konferencë për media lidhur me këtë çështje.

-Advertisement-

Qeveria e Kosovës ka njoftuar dje se zv. kryeministri Bislimi do të udhëtojë drejt Beogradit për të marrë pjesë në organizimin e Forumit Për Marrëdhënie Etnike që drejtohet nga Dushan Janjiq.

Nga zyra e kryeministrit për Gazetën Infokus kanë thënë se pas pak do të dalin me një njoftim zyrtar për këtë çështje./Gazeta Infokus/