Lajme

Osmani, Kurti dhe Gërvalla bëjnë homazhe tek shtatorja e “Zahir Pajazitit”

Autori: Gazeta inFokus 07:46 | 31 January 2023

Presidentja Vjosa Osmani, kryeministri Albin Kurti dhe zëvendëskryeministrja Donika Gërvalla sot do të bëjnë homazhe te shtatorja e heroit, Zahir Pajaziti.

Siç thuhet në paralajmërim, homazhet pritet të bëhen me fillim nga ora 09:00.

Ndryshe më 31 janar të vitit 1997 ndodhi njëra nga betejat e para madhore të pjesëtarëve të Ushtrisë Çlirimtare të Kosovës.

-Advertisement-

Tre strategët, Zahir Pajaziti, Hakif Zejnullahu dhe Edmond Hoxha ishin duke udhëtuar nga Prishtina në drejtim të Vushtrrisë, derisa grupi i tyre zbulohet nga sigurimi serb, të cilët kishin vënë pritë në fshatin Pestovë, ku të tre bien heroikisht në luftë me ta.

Aktivitetet ushtarake, Zahir Pajaziti i filloi gjatë viteve 90-ta. Në rrethanat e krijuara gjatë grevave të përgjithshme në Kosovë të mbajtura më 3 shator të vitit 1990, Zahiri dhe aktivistët tjerë filluan të punojnë për ngritjen e një rrjeti sigurimi në Kosovë.

Subscribe në YouTube: GAZETA INFOKUSI