Auto&Tech

Ora më e re e Apple punon vetëm në vendet ku ajo blihet

Autori: Gazeta inFokus 13:57 | 19 September 2017

Ora më e re e mençur e Apple pritet tash të dalë në shitje dhe kanë nisur tema kontroverse që kanë të bëjnë me modelin LTE.

Pasi që T-Mobile ka hedhur poshtë pohimet për limitimin e shpejtësisë LTE-s, tash duket se konkurrenca LTE do të jetë e pranishme vetëm në vendet ku blihen pajisjet origjinale.

Përfaqësuesi për mbështetje i kompanisë Apple, tha se Apple Watch, i blerë në shitoret amerikane, do të punojë vetëm tek operatorët në SHBA. Kjo do të thotë se roaming nuk mbështetet kur përdoruesi do të shkojë në vende tjera, transmeton KosovaPress.

-Advertisement-

Apple Watch Series 3 për këtë arsye mund të jetë në konflikt me ligjet evropiane, pasi që më herët gjatë këtij viti Komisioni Evropian ka marrë vendim për ndalim të roamingut mobil nga ana e operatorëve të huaj.