Lajme

Komisioni për rastin e Arlindës mblidhet sot, në fokus përgjegjësitë institucionale

Autori: Gazeta inFokus 08:37 | 11 November 2026

Komisioni Hetimor Parlamentar për veprimet dhe mosveprimet institucionale lidhur me vrasjen e Arlinda Zekajt dhe trajtimin e dhunës ndaj fëmijëve dhe grave në familje do të mbajë sot mbledhjen e radhës.

Mbledhja është paraparë të nisë në orën 09:00, ndërsa puna e këtij komisioni synon të hedhë dritë mbi veprimet e institucioneve dhe përgjegjësitë e tyre në rastin e vrasjes së Arlindës nga Vitomirica e Pejës.

Në mbledhjen e kaluar të komisionit, diskutimet për rendin e ditës u shoqëruan me përplasje ndërmjet anëtarit të PDK-së, Eman Rrahmani, dhe atij të Lëvizjes Vetëvendosje, Adnan Rrustemi.

-Advertisement-

Rrahmani kishte kritikuar Zyrën e Kryeministrit për vonesat në dorëzimin e dokumentacionit të kërkuar nga komisioni. Ai kishte pretenduar se raportet ishin dërguar vetëm një orë para mbledhjes dhe se nuk mbanin nënshkrimet e ministrive përkatëse.

Sipas tij, Zyrës së Kryeministrit i ishte dhënë afat prej tri ditësh për dorëzimin e dokumenteve, por ky afat nuk ishte respektuar.

Ai kishte akuzuar gjithashtu shumicën parlamentare për pengim të iniciativave të opozitës që synonin përfshirjen e kërkesave për dokumentacion nga Zyra e Kryeministrit në planin e punës së komisionit.

Komisioni është themeluar me qëllim të shqyrtimit të veprimeve dhe mosveprimeve institucionale, në mënyrë që të identifikohen përgjegjësitë dhe të vlerësohet funksionimi i mekanizmave shtetërorë në trajtimin dhe parandalimin e dhunës ndaj grave dhe fëmijëve.

Etiketa:
Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy