OKB: Përmbytjet, sfida më e madhe e Pakistanit në disa dekada
Autori: Gazeta inFokus 11:05 | 30 August 2022
Autoritetet dhe organizatat humanitare po reagojnë ndaj përmbytjeve më të rënda që ka përjetuar Pakistani në dekada. Përmbytjet kanë prekur rreth 33 milionë njerëz dhe kanë shkaktuar vdekjen e pothuajse 1200 të tjerëve gjatë dy muajve të fundit.
Ministrja e Ndryshimeve Klimatike Sherry Rehman tha të hënën se një e treta e Pakistanit, një vend me rreth 220 milionë banorë, ishte nën ujë, duke krijuar një “krizë të përmasave të paimagjinueshme” që nga qershori kur filluan reshjet sezonale monsune.
Autoriteti Kombëtar i Menaxhimit të Fatkeqësive (NDMA), që po udhëheq përpjekjet humanitare dhe po merret me koordinimin e vlerësimit të dëmeve, deklaroi se 72 nga 160 rrethet e vendit janë goditur nga fatkeqësia. NDMA vuri në dukje se të paktën një milion shtëpi, 162 ura dhe gati 3,500 kilometra rrugë janë dëmtuar ose shkatërruar në të gjithë vendin e Azisë Jugore. Përmbytjet kanë vrarë gjithashtu më shumë se 800,000 kafshë dhe kanë dëmtuar tokat bujqësore dhe të korrat vitale.
Pakistani tashmë ka bërë thirrje për ndihmë ndërkombëtare për t’u marrë me pasojat e përmbytjeve masive. Disa vende, duke përfshirë Kinën, Turqinë dhe Emiratet e Bashkuara Arabe, kanë dërguar tashmë aeroplanë me artikuj ushqimor, çadra, ilaçe, ndihma të tjera dhe ekipe kërkim-shpëtimi, tha ushtria pakistaneze të hënën.
Zyrtarët pakistanezë dhe të Kombeve të Bashkuara thonë se numri i të vdekurve ka të ngjarë të rritet pasi shirat po vazhdojnë dhe më shumë lumenj po dalin nga shtrati i tyre. Zyrtarët thonë se operacionet e ndihmave dhe ato të kërkim-shpëtimit pothuajse kanë përfunduar, por se mund të duhen “vite” për të rehabilituar viktimat e përmbytjeve. Ata gjithashtu thonë se vendi do të kërkojë ndihmë ndërkombëtare për të përballuar emergjencën.
Julien Harneis, koordinatori i OKB-së për ndihmat humanitare në Pakistan, tha se përmbytjet dhe rrëshqitjet e dheut kanë shkaktuar dëme të medha në të gjithë vendin, duke krijuar “sfidën më të madhe” të tij në dekada. Zoti Harneis bëri thirrje për “ndarje të barrës dhe solidaritet” ndërkombëtar në vazhdën e “katastrofës së shkaktuar nga ndryshimet klimatike”. Ai paralajmëroi se situata humanitare pritet të përkeqësohet nga përhapja e sëmundjeve dhe kequshqyerja.
OKB-ja pritet të nisë një apel për 161 milionë dollarë për Pakistanin të martën, duke thënë se fondet do të ndihmojnë në trajtimin e nevojave kritike për ushqim dhe para në dorë për banorët e katër provincave, Baluçistanit, Sindhit, Punjabit dhe Khyber Pakhtunkhvas.
Përmbytjet vijnë në një kohë kur vendi po përballet me një krizë ekonomike, me pakësim të rezervave të parave të huaja dhe inflacion historik. Ministri i Financave Miftah Ismail tha në një konferencë shtypi në Islamabad se ndikimi ekonomik mund të arrijë në të paktën 10 miliardë dollarë. Ai la të kuptohet gjithashtu për mundësinë e rifillimit të tregtisë së pjesshme me rivalin e përhershëm, Indinë për të importuar perime pasi përmbytjet kanë shkatërruar sektorin e bujqësisë. Pakistani pezulloi tregtinë tashmë të kufizuar me Indinë në vitin 2019 pasi Nju Deli i dha fund në mënyrë të njëanshme një statusi gjysmë autonom të rajonit të debatueshëm të Kashmirit.
Organizata International Rescue Committee (IRC) parashikon një rritje të ndjeshme të pasigurisë ushqimore dhe një ndikim të rëndë të përmbytjeve në ekonominë e Pakistanit. “Ne tashmë po shohim një rritje të madhe të rasteve të diarresë, infeksioneve të lëkurës, malaries dhe sëmundjeve të tjera”, thuhet në një deklaratë të kësaj organizate.
Përmbytjet e këtij viti në Pakistan janë të krahasueshme me ato të vitit 2010, gjatë të cilave mbi 2000 njerëz humbën jetën./VOA
Të tjera
-
Kjo zonë parashikohet që sot të ketë stuhi të fuqishme dhe përmbytje
Pas shiut të rrëmbyeshëm që përfshiu orët e para të mëngjesit Prishtinën dhe ...
-
25 vjet nga masakra e Stagovës së Kaçanikut
Më 21 maj bëhen 25 vite nga masakrimi i 13 qytetarëve të pafajshëm në fshatin...
-
Kusari -Lila thotë se Kosova “ndoshta” do të bëhet anëtarë e KiE para fundit të vitit
Shefja e grupit parlamentar të Vetëvendosjes, Mimoza Kusari- Lila, ka thënë ë...
-
Abdixhiku thotë se Kurti e ka sjellë Serbinë si temë kryesore: Nëse ka merak, ia hapë një ministri për veriun dhe e bëj ministër
Kryetari i Lidhjes Demokratike të Kosovës, Lumir Abdixhiku, në “Pressing” të ...
-
Allen: Rusia kërkon kaos dhe ndarje të Ballkanit Perëndimor
Nënsekretarja amerikane e Shtetit për Diplomaci dhe Çështje Publike, Elizabet...
-
Matoshi: Kurti s’vlen më si kryeministër për aleatët
Kohëve të janë shtuar zërat për shkuarje në zgjedhje të parakohshme. Për o...
-
Nënsekretarja amerikane e Shtetit: Jemi thellësisht të përkushtuar për sigurinë e veriut të Kosovës
Nënsekretarja amerikane e Shtetit për Diplomaci dhe Çështje Publike, Elizabet...
-
Osmani: Çdo sukses i Kosovës mban edhe vulën e SHBA-së
Presidentja e Kosovës, Vjosa Osmani, ka takuar sot Zëvendës Ndihmës Sekretare...
-
Bastisja në Veri, Policia sekuestron 1.6 milionë euro dhe mbi 637 mijë dinarë
Policia e Kosovës ka jap detaje shtesë lidhur me aksionin e zhvilluar gjatë d...
-
Abdixhiku për darkën Kurti-Krasniqi: U rrahën me grushte e tash u bënë bashkë
Kryetari i Lidhjes Demokratike të Kosovës, Lumir Abdixhiku tha është shumë e ...
-
Kjo zonë parashikohet të ketë stuhi të fuqishme dhe përmbytje pasditen e së martës
Pas shiut të rrëmbyeshëm që përfshiu orët e para të mëngjesit Prishtinën dhe ...
-
Kërkohet ndihmë për shërimin e 18-vjeçarit, Argjend Jonuzaj nga Prizreni
Argjend Jonuzaj nga Komuna e Prizrenit ka nevojë për ndihmën tuaj. 18-...