Në lagjen e “dritave të kuqe” në Amsterdam, punëtoret e seksit u kërkohen maska dhe dorashka që prej rifillimit të aktivitetit një ditë më parë. Në mesin e karantinës prej kovidit-19 shumë prej tyre u detyruan ta zhvendosin biznesin në internet, si mënyra e vetme për të fituar të ardhurat.

Punëtoret e seksit në lagjen me dritat e kuqe të kryeqytetit holandez i janë rikthyer punës pas tre muaj e gjysmë pushimi prej pandemisë së kovidit.

Ambientet pas vitrinave me ngjyra të Amsterdamit janë dezinfektuar për të mirëpritur klientët e rinj që prej kohësh kanë frekuentuar internetin për t’u takuar me kërcimtaret dhe prostitutat të cilat kanë nisur të ekspozohen tani sërish në një prej lagjeve më turistike të Holandës.

Nga 1 korriku, punëtoret e zonës thonë se u është dashur të punojë ilegalisht për të siguruar jetesën dhe pagesën e qirasë.

Për shkak të rregullave më strikte prej kovidit, mes koleksionit të objekteve erotike për të ftuarit e tyre, tashmë nuk mungojnë as mjetet si maskat, dezinfektantët dhe dorashkat.

“Kur më pyesin për maskën, e kam me vete. Pastaj sprejin dezinfektues dhe xhelin e dorës i kam përdorur që më parë. Rreziku për klientët është i ulët sepse ne gjithmonë u kërkojmë atyre të bëjnë një dush paraprakisht, ndaj çfarëdo që mund të kenë marrë jashtë, ikën.”

“Sot e kam gjithë ditën e zënë. Shumë klientë por edhe punëtore këtu kishin frikë nga gjobat. Në një provincë penaliteti për ushtrimin e profesionit të seksit shkonte deri 20 mijë euro, ndërsa që nga shpallja e javës së kaluar për rifillimin e punës, telefoni nuk më ka pushuar së rëni.”

Autoritetet holandeze rekomandojnë që qytetarët për arsye sigurie nga koronavirusi të mbajnë distancë të paktën 1 metër e gjysmë nga njëri-tjetri.

Kjo nuk vlen për punëtoret e seksit dhe klientët e tyre, për të cilët sugjerohen masa të tjera parandaluese në kushtet e koronavirusit.

“Ne u këshillojmë të mos afrohen shumë afër njëri-tjetrit me fytyrë sa të ndjejnë frymëmarrjen. Më tej, nuk këshillojmë puthjet sepse kështu shkëmbehen pështymat dhe kështu virusi mund të transmetohet,” tregon një eksperte infeksioniste në vend.

Statistikat e kovidit në Holandë janë përmirësuar në javët e fundit, sikundër edhe numri i viktimave, kur raportohen aktualisht më shumë se 50 mijë raste dhe 6 mijë jetë të humbura.

Kryebashkiakja e Amsterdamit ka planifikuar riorganizimin e lagjes me dritat e kuqe për t’i mbrojtur punëtoret atje nga shfrytëzimi seksual, trafikimi dhe dhuna për motive narkotikësh.

Holanda e ka legalizuar prostitucionin në vitin 2000, dhe që atëherë ky sektor punëson rreth 7 mijë punëtorë të regjistruar duke tërhequr edhe turistë nga e gjithë bota.

Comodita po tërheq klientë seriozë në Panarin IMM, në Këln të Gjermanisë

Sponsoruar