Lajme

“Nuk është aq e keqe” – zyrtari jep detaje për gjendjen e 11-vjeçares

Autori: Gazeta inFokus 18:46 | 31 August 2022

Gjendja emocionale e 11-vjeçares, e cila dyshohet se u dhunua nga pesë persona të shtunën në Prishtinë, nuk është dhe aq e keqe.

Kështu tha Demë Hasanaj, drejtor i Zyrës për Mbrojtjen e Viktimave në kuadër të Zyrës së Prokurorit të Shtetit.

Hasanaj tha në Klan Kosova se kanë kontaktuar me Qendrën për Punë Sociale për të marrë informacione lidhur me viktimën.

-Advertisement-

“Jemi informuar për gjendjen emocionale dhe psikike të viktimës nga ana e organit të kujdestarisë, përkatësisht nga Qendra për Punë Sociale. Për momentin, rasti është duke u hetuar dhe ne nuk mund të japim më shumë informacione, por gjendja emocionale e viktimës nuk është dhe aq e keqe” tha Hasanaj.

Rasti ka ngjallur reagime të shumta në opinionin publik.

Sot në Prishtinë u protestua në kundërshtim të abuzimit të fëmijëve dhe grave.

Të pesë të dyshuarit janë arrestuar nga ana e policisë.

Ndaj tyre është caktuar masa e paraburgimit prej një muaji, njofton Klankosova.tv.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme