Lajme

Një grua nxirret gjallë nga rrënojat 36 orë pas tërmetit në Kolumbi

Autori: Gazeta inFokus 15:15 | 12 August 2026

Një grua 32-vjeçare, e cila kishte mbetur e bllokuar nën rrënoja për 36 orë pas tërmetit me magnitudë 7.4 ballë që tronditi Kolumbinë perëndimore, është nxjerrë e gjallë.

Daniela Largo u nxor nga poshtë një ndërtese të shembur në qytetin e Pereiras pas një operacioni shpëtimi 10-orësh.

Zjarrfikësit më në fund arritën ta gjenin atë nëpërmjet një tuneli që gërmuan poshtë katër pllakave të betonit nën të cilat ajo ishte varrosur.

-Advertisement-

Të paktën 250 persona kanë vdekur në tërmet, sipas shifrave zyrtare, dhe qindra të tjerë mbeten të zhdukur, raporton BBC, transmeton Klankosova.tv.

Në Pereira, një qytet në rajonin e kultivimit të kafesë në Kolumbi, 79 persona janë konfirmuar të kenë vdekur, numri i dytë më i lartë pas Calit, ku 95 janë të vdekur, sipas shifrave nga Shoqata e Kryeqyteteve Kolumbiane (Asocapitales).

Nëna e Largos i tha agjencisë së lajmeve AFP se një banor vendas kishte dëgjuar vajzën e saj të thërriste për ndihmë nga poshtë rrënojave.

Sapo punonjësit e emergjencës mbërritën në vendngjarje, ata arritën ta gjenin Largon me ndihmën e një kamere të vogël.

Megjithatë, shpëtimi i saj u ndërlikua nga fakti se katër pllaka të rënda betoni po bllokonin rrugën.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy