Shëndetësi

Një dush për 90 sekonda, ja çfarë ju duhet herët në mëngjes!

Autori: Gazeta inFokus 16:55 | 28 August 2017

Të zgjohesh plot energji ështê një sfidë pothuajse e pa arritshme. Nuk ka rëndësi nëse fleni tetë apo katër orë; ka ditë që qepallat e syve janë aq të rënduara, sa të vjen të flesh përgjatë gjithë ditës. Eh, sa na kuptojnë gjumashët në këtë pikë…

Por, për fatin e mirë ekspertët kanë zbuluar çelësin e sekretit për rritjen e niveleve të energjisë – gjithçka lidhet me dushin e mëngjesit! Nëse doni vërtetë të mos ndiheni të përgjumur, 30 sekondat e para të dushit bëjini me ujë të ftohtë, 30 sekondat e tjera me ujë të ngrohtë, dhe finalja e 30 të mbeturave realizohet përsëri në të ftohtë. Duket si torturë, por bëhet fjalë për vetëm 90 sekonda. Dhe, për më tepër, nuk do të ndiheni të plogësht deri në orët e mbrëmjes. Sipas Entrepreneur, të mirat që sjell një metodë e tillë janë pothuajse të pafundme.

Ndryshimi i temperaturës gjatë dushit rrit qarkullimin e gjakut, zgjeron kapilarët e furnizon me energji trupin dhe trurin. Një funksion i dytë bën që qelizat e bardha të gjakut të rriten, ashtu sikurse ndihmon në eleminimin e stresit dhe përshpejtimin e djegies së yndyrnave të tepërta. Në të njejtën mënyrë vepron edhe Victoria Beckham, e sa për energjinë që e karakterizon, është e kotë të flasim…Si mendoni, do e merrnit guximin për ta provuar?

-Advertisement-

Subscribe në YouTube: GAZETA INFOKUSI