Një ditë para takimit me Presidenten, opozitarët presin vështirësi në caktimin e datës së zgjedhjeve
Autori: Gazeta inFokus 21:42 | 30 July 2024
Presidentja Vjosa Osmani ka thirrur një takim me liderët e partive politike në Kosovë.
Temë kryesore e takimit që do të mbahet të mërkurën është caktimi i datës së zgjedhjeve.
Shumica e partive politike tashmë kanë konfirmuar pjesëmarrjen e edhe partia në pushtet.
Nënkryetari i LDK-së, Lutfi Haziri, në një deklaratë për Infokusin ka thënë se pret vështirësi në dakordimin e partive për datën e zgjedhjeve.
Ndiqni videon:
“Përkundër që zotëri Kurti në asnjë proces politik as të brendshëm në Kosovë e as të jashtëm nuk ka përafru asgjë me opozitën, do të jetë vështirë e besueshme që edhe data e zgjedhjeve të jetë për të gjithë e pranueshme, kështu që do të imponoj një datë të tij. Kështu që prej kur do të ndodhë takimi i parë, pra prej nesër e tutje vendin, popullin, qytetarin e prek zgjedhja, do të jetë çështje kryesore në këtë vend procesi zgjedhor”, ka thënë nënkryetari i LDK-së.
E gjithë përgjegjësia për t’u arritur një dakordim për zgjedhje, Haziri thotë se është në dorë të Presidentes Osmani.
“Nëse bazohemi në deklaratat e zotëri Kurtit që i ka thënë pas takimit me zotëri Memli Krasniqi, Emilja Rexhepin dhe Donika Gërvalla Shëarz, në fakt ai ka përjashtuar nga zgjedhjet dy sezona, e ka përjashtu verën dhe dimrin. Kështu që vjeshta dhe pranvera kanë mbetë si opsione të vetme. Sidoqoftë, prej gushtit, roli i tij është sekondar, në kuptimin legal e kam fjalën, sepse Presidentja e ka marrë një inciativë, tash hyn me kornizën e rregullt të zgjedhjeve”, ka thënë ai për Infokus.
E nga ana tjetër, deputeti i partisë në pushtet, Lëvizjes Vetëvendosje, Adnan Rrustemi, thotë se ata janë të gatshëm për çfarëdo date.
“Është vërtetuar se opozita nuk e ka pasur me gjithë mend kërkesën për zgjedhje të parakohshme, ata kanë ankth nga zgjedhjet qofshin të rregullta, qofshin të parakohshme. Janë të interesuara për t’i shmanngur e për t’i shtyrë për aq sa munden por zgjedhjet e rregullta nuk mund të shtyhen, sepse ato janë afate kushtetuese. Nëse partitë politike, opozita në tërësi dakordohen për ta shpërndarë Kuvendin, natyrisht se Vetëvendosja është e gatshme”, ka thënë Rrustemi për Infokus.
Ndërsa në një postim në Facebook, Eugen Cakolli nga Instituti Demokratik i Kosovës, ka treguar se zgjedhjet e rregullta parlamentare mund të mbahen vetëm në periudhën nga fundi i janarit e deri në mes të shkurtit të vitit të ardhshëm./Gazeta Infokus/
Të tjera
-
Eurodeputeti austriak: Vetëm me ndryshimin e rrethanave politike në BE është i mundur një kompromis për Kosovën
Shefi i delegacionit të Partisë së Lirisë së Austrisë (FPO) në Parlamentin Ev...
-
Vera merr fund përfundimisht, ulje drastike e temperaturave dhe përmbytje, borë në zonat malore
Pas temperaturave jashtëzakonisht të larta që kanë mbretëruar pothuajse gjatë...
-
A do të kandidojë përsëri për Presidente dhe a do të vazhdojë në politikë, Osmani çon mesazh: Nuk më heqin qafe lehtë
Presidentja e Kosovës, Vjosa Osmani, në një intervistë për “Kallxo Përnime”, ...
-
Osmani e konfirmon që s’e deshti afër Martin Berishajn gjatë vizitës në Kroaci: Ashtu kam vendosur
Presidentja e Kosovës, Vjosa Osmani, në gusht ishte në një vizitë zyrtare në ...
-
Vendimi për Calin, Specialja caktoi gjyqtarët por jo edhe seancën
Para një muaji Gjykata Supreme e Dhomave të Specializuara të Kosovës ia anulo...
-
Dështimi për anëtarësim në Këshill të Europës, kush prishi punë sipas presidentes, Kurti apo Gërvalla?
Presidentja e Kosovës, Vjosa Osmani, ka folur lidhur me moskoordinimin për le...
-
Osmani thotë se Shefi i CIA’s ka pasur vetëm një kërkesë – “S’është e jashtëzakonshme, por s’mund ta bëjë publike”
Një kërkesë nga Shtetet e Bashkuara të Amerikës është paraqitur për Kosovën n...
-
Osmani: Zgjedhjet dhe referendumi i Serbisë u ndalën në zyrën time
Presidentja e Kosovës, Vjosa Osmani, ka thënë se ajo ka qëndruar në të gjitha...
-
Ende pa datë takimi mes Kosovës dhe Serbisë
Ndonëse nuk është bërë e ditur data e takimit të ardhshëm mes Kosovës e Serbi...
-
Abdixhiku e mbështet Zhegrovën, pas përjashtimit, e quan aset kombëtar
Kryetari i Lidhjes Demokratike të Kosovës, Lumir Abdixhiku, ka reaguar pas pë...
-
Osmani flet për masat e BE-së ndaj Kosovës: Javëve të fundit disa shtete kanë kërkuar të mbeten masat
Presidentja e Kosovës, Vjosa Osmani, deklaroi se javëve të fundit janë njoftu...
-
Ben-Meir: Njohja e Kosovës nga Serbia do të përshpejtohet sapo të largohet Putini
Alon Ben-Meir, profesor amerikan në pension dhe ekspert i politikës ballkanik...