Lajme

Ngritja dhe rënia e partive politike në 20 vjet

Autori: Gazeta inFokus 08:54 | 20 February 2021

Pas zgjedhjeve të 14 shkurtit, në Kuvendin e Kosovës do të hyjnë vetëm katër parti shqiptare. Herë rritje, e herë rënie, ky është rrugëtimi i këtyre partive në dy dekadat e fundit.

Lidhja Demokratike e Kosovës kulmin e saj e kishte në vitin 2001, ku kishte arritur që të marrë 45.6 përqind të votave. Pas këtyre zgjedhjeve, përqindja e kësaj partie shkoi vetëm duke rënë.

Në zgjedhjet e 14 shkurtit, LDK’ja arriti të marrë vetëm rreth 13 përqind të votave.

-Advertisement-

Edhe Partia Demokratike e Kosovës ka shënuar rënie e rritje në këto 20 vjet.

Përqindjen më të madhe të votave e kishte në zgjedhjet e vitit 2007, derisa në zgjedhjet e fundit ka marrë 17.4 përqind.

Lëvizja Vetëvendosje ka marrë pjesë për herë të parë në zgjedhjet e vitit 2010, ku kishte siguruar 12.6 përqind të votave. Ndërkohë, në zgjedhjet e së dielës, Vetëvendosja është renditur partia e parë.

Rënie e ngritje ka pasur edhe Aleanca për Ardhmërinë e Kosovës. Në zgjedhjet e 14 shkurtit, kjo parti ka marrë vetëm 7.4 përqind.

Subscribe në YouTube: GAZETA INFOKUSI
Marsi sjell Magji në ETC

Të tjera

Fokusi

lajme