Ngordhin mbi 10 mijë pula në një fermë në Skenderaj pas vërshimeve
Autori: Gazeta inFokus 21:53 | 23 January 2023
Vërshimet në Skenderaj, ngordhin mbi 10 mijë pula në një fermë.
Përpos dëmeve në mbi 300 shtëpi banimi, vërshimet nga reshjet e shiut në komunën e Skenderajt kanë dëmtuar rëndë biznese të ndryshme. Në një fermë në Llaushë, kanë ngordhura mbi 10 mijë pula, ndërkaq në fshatin Klinë e Epërme një banor për RTV Dukagjini ka treguar se i janë shkatërruar të gjitha pajisjet për përgatitjen e bukës dhe për picerinë që kishte, e që vlera shkon mbi 35 mijë euro.
Në raftet që kanë qenë nën nivelin e ujit, nuk shpëtoi asnjë pulë e gjallë. Vërshimet që përfshinë fshatin Llaushë në Skenderaj, nuk e kursyen as këtë fermë të pulave.
Vetëm rendi i parë i pulave shpëtoi pa shkuar dëm. Sipas pronarit Liridon Geci, mbi 75% e pulave kanë ngordhur.
Liridon Geci, pronar i fermës në Llaushë ka thënë se “Në momentin kur kanë ndodhur vërshimet unë kam pasur në prodhim 15 mijë pula vojsë (që bëjnë vezë), prej tyre ka shpëtu një numër i vogël, diku rreth 2500 pula”.
Përpos pulave, uji ka përfshirë të gjithë makinerinë e fermës, për çka dëmet shkojnë në qindra mijëra euro.
Geci ka shtuar se “Diku rreth 200 mijë euro mund të jetë vlera e dëmeve që janë shkaktu këtu. Pa llogaritur infrastrukturën e objekteve që e ka dëmtu vërshimi”.
Fermeri Geci nuk është i vetmi që uji ia morri të gjithë biznesin me të cilin siguron jetesën. Fatin e njëjtë e ndanë edhe Murat Osaj nga fshati Klinë e Epërme.
Murati Osaj nga Klina e Epërme ka thënë se “Ne e kemi pasur një furrë edhe një doner-picerinë, por krejt mjetet që i kam pasur atje i kam fut këtu në podrum. Janë dëmtuar të gjitha, totalisht. Vlera e makinave për furrë është rreth 20 mijë euro, ndërsa për punën e picerisë makinat komplet të reja kanë kushtu 15 mijë euro”.
Lumi që kanë afër lagjes përpos dëmeve në biznese po rrezikon seriozisht të shemb edhe shtëpitë. Madje në disa që janë më afër rrjedhës së lumit shihen edhe themelet të cilat janë gërryer nga furia e vërshimeve.
Avdullah Bajraktaraj nga Klina e Epërme ka thënë se “Ajo brenda aty (shtëpija) është e krisur brenda, aty është e pabanueshme për momentin edhe nuk jeton askush aty tash. Se qysh po shihet që është edhe themeli është i lëshuam poshtë edhe është objekti i demolum i krisur”.
Përkundër vështirësive, mësimi në shkollën e fshatit ka nisur normalisht, por me mungesë të disa nxënësve nga fshatrat përreth.
Shefqet Avdiu, sekretar i shkollës fillore “Idriz Barani” ka thënë se “Në përjashtim të fshatit Kuqicë, dhe nga fshati Stermc nuk kanë mundur të vijnë fëmijët, për arsye se janë prishur urat. Mirëpo mund të ndodh edhe pak frikësimi i popullatës prej vërshimit kanë munguar disa nxënës edhe të Klinës së Mesme”.
Avdiu thotë se kanë biseduar me prindërit e këtyre fshatrave dhe që nga nesër pritet të rikthehen në mësim ata që munguan.
Përpos në fshatrat e Klinës, dhe Llaushë, vërshimet kanë përfshirë edhe fshatrat Aqarevë, e Kuqicë të Skenderajt, por që gjendje më e mirë nuk është as në qendër të qytetit./RTV Dukagjini
Të tjera
-
Kryeministri Kurti bën homazhe te varret e Ilir Konushevcit dhe Hazir Malajt
Kryeministri i Kosovës, Albin Kurti së bashku me një pjesë të kabinetit të ti...
-
Hoxhaj: Kosova pa asnjë njohje që katër vjet, i ka humbur momentumi ndërkombëtar
Ish-ministri i jashtëm Enver Hoxhaj, ka thënë se Palestina, edhe pse në Gaza ...
-
Ky është polici që u plāgos nga hajnat në Klinë
Në orët e para të mëngjesit të së enjtes është plagosur një polic në Zllakuqa...
-
Presidentja Osmani kujton heroin Ilir Konushevci në 26- vjetorin e rënies së tij
Presidentja e Kosovës, Vjosa Osmani, ka kujtuar heroin Ilir Konushevci në 26-...
-
Deponohen mbi 700 euro të falsifikuara në një bankë në Prizren, konfiskohen nga forenzika
Në Policinë e Kosovës, zyrtarë të një banke në Prizren kanë njoftuar se në ba...
-
Në ditën e Evropës, shkallët e “Dragodanit”, marrin ngjyrat e flamurit të BE-së
Kryetari i komunës së Prishtinës, Përparim Rama, ka njoftuar se shkallët ikon...
-
Policia e Kosovës shqipton 2071 tiketa trafiku brenda 24 orësh
Gjatë 24 orëve të fundit, në vendin tonë janë shqiptuar 2071 tiketa trafiku. ...
-
LAJMI I FUNDIT: Plāgoset një polic në Klinë në shtëpinë e priftit
Sot në orët e hershme të mëngjesit është plagosur një polic në Zllakuqan të K...
-
KFOR-i gjen një pu*shkë me 13 fish*ekë në Zveçan
Në komunën e Zveçanit nga njësia e KFOR-it është gjetur një pushkë e varur në...
-
Dita e Evropës, Rama: Shqipëria, më afër se kurrë ëndrrës së vjetër shqiptare
Sot shënohet Dita e Evropës. Me këtë rast, kryeministri shqiptar, Edi Rama...
-
Gjendet një mjet shpër*thyes në Gjakovë, lajmërohet FSK-ja
Forcat e Sigurisë së Kosovës janë kërkuar për ndihmë pasi është hasur një mje...
-
Zgjedhjet në Maqedoninë e Veriut, kështu do të ndahen mandatet në Kuvend
VMRO-DPME fitoi zgjedhjet parlamentare të 8 majit në Maqedoninë e Veriut. For...