Opinione

Nga Kosova po largohet edhe kapitali financiar i bizneseve vendore

Autori: Gazeta inFokus 11:16 | 16 Shtator 2023

Kosova renditet e para ndër investitorët ballkanas në Shqipëri.

Të dhënat zyrtare nga Banka e Shqipërisë për 5 vitet e fundit, tregojnë se Kosova renditet e para për IHD.

Referuar të dhënave të fundit zyrtare të Bankës Qendrore të Shqipërisë, në tremujorin e parë të këtij viti, fluksi i investimeve të huaja nga Kosova arrin vlerën e 225 milionë eurove, duke e renditur të parën ndër vendet e Ballkanit Perëndimor.
Pas Kosovës vjen Maqedonia e Veriut me 78 milionë euro investime dhe në vend të tretë rezulton Serbia me 45 milionë euro.

-Advertisement-

Edhe nëse analizojmë të dhënat për pesë vitet e fundit, pozicionimi i Kosovës në vendin kryesues nuk ndryshon në raport me vendet e tjera të Ballkanit.

Sipas serive kohore të Bankës së Shqipërisë, prej tremujorit të dytë të vitit 2017, Kosova kryeson me flukset më të larta të parave të investuara në Shqipëri krahasuar me Maqedoninë e Veriut, Serbinë, Malin e Zi dhe Bosnje- Hercegovinën.

Mungesa e stabilitetit politik në Kosovë dhe qasja majtiste e institucioneve përballë sektorit privat i detyrojnë bizneset për alternativa dhe vende të tjera për investime!

Qeveritë e vendeve të Ballkanit Perëndimor janë mjaft aktive në kontakte me bizneset vendore e në veçanti me ato tē cilat sulmohen nga institucionet vendore që të i joshin për të bartur biznesin e tyre e në veçanti prodhimin në këto shtete.

Kapitali vendor nuk investohet vetëm në Shqipëri por edhe në vende tjera evropiane dhe më gjerë deri në Afrikën e Jugut.
Si duket Kosova edhe pas shumë viteve të çlirimit është në kërkim të rrugës së humbur e në veçanti tē rrugës për zhvillim.

Është momenti i fundit kur duhet të mendohet për shpëtim dhe zhvillim ekonomik e jo të bëhet garë për shkatërrim të ekonomisë.

Mbi të gjitha shteti e qytetarët e jo pushteti e barazia në varfëri.