Lajme

Nga 300 lekë, sa kushtojnë shezlonget në plazhet e Shqipërisë?

Autori: Gazeta inFokus 22:16 | 17 July 2023

Jemi në pikun e verës. Tashmë të gjithë mendojnë se ku do ti kalojnë pushimet. Kjo e kushtëzuar edhe nga temperaturat e larta që kanë përfshirë mbarë vendin.

Për të gjithë ata që kanë vendosur të pushojnë në Shqipëri, një nga detajet më të rëndësishme është çmimi i shezlongëve.

Këtë sezon, për të bërë plazh në Shqipëri çmimet variojnë nga 300 lekë, deri në 300 euro që është çmim për persona që zgjedhin të frekuentojnë turzimin elitar në Ksamil.

-Advertisement-

Në zonën e Lungomares në Vlorë, çmimet variojnë nga 700-800-1200 lekë dhe në zona më ekskluzive duke ecur përgjatë Radhimës arrijnë 2500 lekë, teksa duhet theksuar se gjatë fundjavës ka rritje.

Edhe në Velipojë çmimet duket se janë më të larta. Vetëm në rreshtat e fundit mund të gjejmë shezlongë me 500 lekë, ndërsa ka edhe nga ata që shkojnë 2000-2500 lekë. Ndërsa çmimet më të kripura duket se edhe këtë verë mund t’i gjejmë në Sarandë.

Qyteti është më i lirë se Ksamili, ku në plazhet më minimaliste shezlongët fillojnë me 1000 lekë deri në 5000, ndërsa Ksamili fillon me 1500 në plazhet familjare dhe që janë më minimalist, ndërsa në të tjerat shkon 2000-3000, por kemi edhe turizmin elitar që nis nga 50 euro, 100-200-300 euro.

Borshi, Buneci, Lukova vazhdojnë të kenë çmime ekonomike dhe çadrat shkojnë 1000-1500 lekë.

Ndërkohë plazhi më i lirë mbetet ai i Semanit, ku çmimet variojnë nga 300 lekë deri në 500 lekë./noa/

Subscribe në YouTube: GAZETA INFOKUSI
-Advertisement-

Të tjera

Fokusi

lajme