Sport

Neymar: Unë e quaj “djali i artë”, do të bëhet më i miri në botë

Autori: Gazeta inFokus 10:41 | 04 March 2019

Ylli i PSG, Kylian Mbappe, do të bëhet një nga lojtarët më të mirë në historinë e futbollit, sipas Neymar. Talenti francez ka shkëlqyer që nga transferimi te PSG në vitin 2017, pasi fitoi titullin me Monaco. 20-vjeçari ka shënuar 50 gola në të gjitha garat me PSG.

Mbappe tashmë ka një medalje të Kupës së Botës dhe dy tituj të Ligue 1 nën emrin e tij, si dhe “Coupe de France” e “Coupe de la Ligue”. Neymar, i cili po shërohet nga një lëndim në shputën e këmbës, e falënderoi bashkëlojtarin e vet. “Marrëdhënia që kam me të është më e mira e mundshme, brenda dhe jashtë fushës, – tha Neymar për transmetuesin brazilian, “Globo”.

– Unë e quaj atë “djali i artë”. Ai është një djalë, për të cilin kam dashuri shumë të veçantë, që do të bëhet një nga lojtarët më të mirë në historinë e futbollit. Përpiqem ta ndihmoj në mënyrën më të mirë të mundshme.

-Advertisement-

Për çdo gjë që ndeshim në stërvitje, ose në lojë, unë bisedoj me të, ose ai vjen për të folur me mua. Eshtë sikur të jemi vëllezër. Ne nuk e kemi zili njëri-tjetrin”. Vlerësimi i Neymar për Mbappe vjen pas komenteve në lidhje me të ardhmen e tij, diçka që dhe për atë vetë mbetet e pasigurt: “Askush nuk e di të ardhmen”.

Subscribe në YouTube: GAZETA INFOKUSI