Mungesa e prokurorit e shtyen përsëri rigjykimin ndaj të akuzuarit për mashtrim
Autori: Gazeta inFokus 14:50 | 23 August 2024
Për të dytën herë me radhë, në mungesë të prokurorit të shtetit, ka dështuar të nisë rigjykimi ndaj Kadri Batushës i cili po akuzohet për mashtrim rreth shitblerjes së një banese.
Batusha akuzohet se ka mashtruar Nexhat Zejnullahun duke i fshehur faktet dhe e ka bindur atë të lidhë një kontratë për shitblerjen e një banese. Zejnullahu i kishte dhënë Batushës një veturë me vlerë 25 mijë euro dhe para mbi 65 mijë euro, por banesa nuk u ndërtua kurrë.
Për mungesën e prokurorit të shtetit që në këtë rast është prokurori Paulin Pashku, gjykatësi Sabit Sadikaj tha se pas komunikimit me prokurorin përgjegjës, Kushtrim Zeka, ky i fundit e ka njoftuar se për shkak të numrit të vogël të prokurorëve dhe kohës së pushimeve, nuk kanë pasur mundësi të dërgojnë prokuror, raporton “Betimi për Drejtësi”.
Në mungesë të kushteve ligjore seanca e sotme është shtyrë për një datë tjetër.
Po ashtu, edhe seanca e datës 20 gusht 2024 kishte dështuar të mbahej për të njëjtën arsye.
I akuzuari Batusha me 23 janar 2023 ishte liruar nga akuza për mashtrim.
Ndryshe me 24 nëntor 2023, Gjykata e Apelit e ka kthyer këtë rast në rigjykim, për shkak të vërtetimit të gabuar dhe jo të plotë të gjendjes faktike dhe shkeljes të ligjit penal.
Ndër të tjera, në këtë vendim thuhet se provat personale dhe materiale nuk i ka vlerësuar në mënyrë të drejtë dhe të ligjshme, nuk i ka krahasuar njëra me tjetrën dhe që arsyetimi i dhënë nga gjykata e shkallës së parë është i mangët.
Andaj, mes tjerash në këtë vendim theksohet se gjykata e shkallës së parë duhet të administrojë të gjitha provat personale dhe materiale në mënyrë të ligjshme dhe sipas nevojës të nxjerrë edhe prova të reja dhe të ftohet e të dëgjohet si dëshmitar Ragmi Zeqiri.
Ndërkaq, herën e parë ky rast ishte gjykuar nga Sulltane Hoti, kurse tani pas kthimit në rigjykim, rasti po gjykohet nga Sabit Sadikaj.
Gjithashtu, Prokuroria Themelore në Prishtinë më 16 dhjetor 2015 ka ngritur aktakuzë kundër Kadri Batushës, sepse më 16 maj 2014 në Prishtinë, është inicuar rasti kundër të njëjtit, me arsyetimin se ka vepruar në atë mënyrë që me qëllim që vetes t’i sjellë përfitim pasuror në mënyrë të kundërligjshme, e ka sjellë në lajthim të dëmtuarin Nexhat Zejnullahu, duke e shtyrë të veprojë në dëm të pasurisë së tij.
Aktakuza thotë se i pandehuri Batusha duke fshehur faktet e ka bindur të dëmtuarin që të bëjë kontratë mbi shitblerjen e banesës, e cila ishte planifikuar të ndërtohet në Prishtinë, në lagjen “Mati 1”, me sipërfaqe prej 129,00 metra katrorë, me një çmim kontraktues prej 90 mijë e 300 euro.
Tutje, akti akuzues thotë se i dëmtuari i ka besuar të pandehurit pas prezantimit të lejes së ndërtimit dhe planit të banesës, me ç’rast fillimisht në emër të çmimit kontraktues të pandehurit ia jep një veturë të tipit “Audi” në vlerë 25 mijë euro dhe 20 mijë euro para të gatshme.
Kurse, pjesën tjetër të mbetur të parave prej 45 mijë e 300 euro i dëmtuari ia kishte paguar të pandehurit dy javë më vonë edhe pse banesa në fjalë nuk është ndërtuar kurrë, me ç’rast i dëmtuari ka pësuar dëm material.
Me këtë, Batusha akuzohet se ka kryer veprën penale “Mashtrimi” nga neni 335, paragrafi 5 lidhur me paragrafin 1 të Kodit Penal të Republikës së Kosovës, vepër kjo e dënueshme me gjobë dhe me burgim prej tre deri në dhjetë vjet.
Të tjera
-
Osmani për kërcëniṁet e Vuçiqit: Do të përballet me institucionet e Kosovës, nuk ka kthim mbrapa
Presidentja e vendit, Vjosa Osmani ka folur për kërcënimet e presidentit serb...
-
Moti nesër dhe ditëve në vazhdim
Reshjet e shiut mund të fillojnë sonte gjatë natës në Shqipëri dhe Dukagjin d...
-
Deputeti i VV-së: Aktakuza kundër Radoiçiqit u vonua shumë, kjo na dëmtoi në dialog
Deputeti i VV-së, Arbër Rexhaj, e ka kritkuar Prokurorinë duke thënë se aktak...
-
Lekaj: Unë i them Kurtit hape urën e nesër aty më ka
Deputeti i Kuvendit të Kosovës nga Aleanca për Ardhmërinë e Kosovës, Pal Leka...
-
Shqiptarët protestojnë më 23 shtator në Preshevë, Sinani: Marshojmë për barazi dhe drejtësi
Kryetarja e komunës së Preshevës, Ardita Sinani, ka paralajmëruar protestën e...
-
“Mshele gojën, unë po flas”, ”S’je kurrkush me më ofendu”- përplasje në emision për religjionin
Historiani Azdren Shala, ka thënë se në vitin 2011, disa hoxhallarë kanë bërë...
-
ShBA’ja mirëpret ngritjen e aktakuzës për Banjskën, vlerëson punën e Prokurorisë dhe Policisë
Ambasada e Shteteve të Bashkuara të Amerikës vlerëson punën e Prokurorisë Spe...
-
Gjini: Serbia kurrë s’ka desht me ba asociacionin, po e kanë gjetë një njeri n’Kosovë…
Nënkryetari i AAK’së, Ardian Gjini thotë se Serbia asnjëherë nuk ka desht të ...
-
E ekzagjeron Brnabiq, akuzon Kurtin se dëshiron të nis luftë me Serbinë: Situata në Kosovë është më e rënda deri tani
Kryetarja e Kuvendit të Serbisë, Ana Brnabiq, thotë se situata në Kosovë ësht...
-
Ky është personi që e bleu patentë shoferin e falsifikuar për 400 euro, përfundon në ndalim
Njësia për Hetimin e Krimeve Ekonomike dhe Korrupsionit në Policinë në Gjilan...
-
Mediat serbe: Vuçiq nesër mund ta shpallë Kosovën “një territor të pushtuar”
Kështu raportojnë media të shumta në Beograd lidhur me konferencën që do të m...
-
Ushtarët gjermanë të KFOR-it kryejnë trajnime për kontrollin e trazirave
Misioni i NATO-s në Kosovë, KFOR-i, ka mbajtur sot një trajnim për kontrollin...