Lajme

Molliqaj: VV-ja po i gjunjëzohet Isa Mustafës

Autori: Gazeta inFokus 20:56 | 19 August 2019

Sekretari i Përgjithshëm i Partisë Socialdemokrate, Dardan Molliqaj, i është përgjigjur akuzave të Lëvizjes Vetëvendosje gjatë ditës, prej kur u zyrtarizua koalicioni AAK – PSD.

Ai thotë se VV e ka pranuar Ramush Haradinajn si kandidat për kryeministër gjatë 2015’ës kur u bë blloku opozitar VLAN.

Molliqaj thotë se së bashku me Haradinajn janë kryer disa prej punëve të shtetit si ushtria dhe ndalja e ndryshimit të kufijve.

-Advertisement-

Ndërkaq tutje ish-sekretari organizativ i VV’së thotë se partia e Albin Kurtit po i ‘gjunjëzohet’ LDK’se dhe Isa Mustafës.

Shkrimi i plotë:

VV-ja, nga frika ndaj fitores sonë, xhelozia që asnjë parti e madhe nuk i merr në koalicion, dhe urrejta patologjike ndaj PSD-së, i paska aktivizuar strukturat linquese dhe profilet e rrejshme në Facebook për të na sulmuar.

Populistët që sot flasin për ”parime” kundër koalicionit me AAK-në, janë po të njëjtit që në vitin 2015 u futën në koalicionin VLAN dhe e pranuan Haradinajn si kandidat për kryeministër.

Por tash janë kundër Haradinajt. Jo për ndonjë arsye parimore, por për shkak se ne së bashku me Haradinajn, e krijuam Ushtrinë, i ndalëm pazaret e Thaçit me territorin e Kosovës dhe e defaktorizuam Listën Serbe. Derisa ata merreshin vetëm me llafe e shpifje.

E këto veprime, i kanë lënë populistët pa kauzë. Ata nuk e dijnë për cka do të kërkojnë votë, meqenëse kartën nacionaliste nuk ua beson më askush. Qytetarët e kanë kuptuar që ata kanë vetëm fjalë e asgjë tjetër.

Dallimi është se ata i gjunjëzohen Isa Mustafës për koalicion kryekëput për interesa personale, dhe harruan që ishte pikërisht Isa Mustafa kryeministër në kohën kur vdiq në burg Astrit Dehari e u burgosën aktivistët e tjerë. Ndërsa ne nuk lidhem koalicion me Haradinajn për interesa personale, por për t’i shty përpara politikat tona për shtetndërtimin e Kosovës.

Nuk ju kemi faj ne që janë dhe do të mbesin të vetmuar. Nuk kemi faj ne që humbja e tyre është po aq e sigurt sa edhe fitorja jonë. Nuk mund t’i shërojmë nga xhelozia. Veç mund t’ju themi shihemi pas zgjedhjeve, kur ata do të luftojnë për vendin e tretë, ndërsa ne do të jemi forca e parë ?

Subscribe në YouTube: GAZETA INFOKUSI
TEB sjellë edhe kartelën prestigjioze VISA Infinite

Të tjera