Ministria e Arsimit shpall fituesin e konkursit për ditarët, por me hije të rënda dyshimi
Autori: Gazeta inFokus
18:14 | 03 August 2026
Hije dyshimi janë ngritur mbi procesin e përzgjedhjes së shtëpisë botuese që do të furnizojë me ditarë institucionet e arsimit parauniversitar. Nga dy operatorët në garë, njëri është diskualifikuar që në fazën fillestare.
Duke nisur nga viti i ri shkollor, ditarët dhe dokumentet e tjera të nevojshme për organizimin e procesit mësimor mund të ndryshojnë furnitor.
Ministria e Arsimit, e cila tash e disa vite furnizohet me dokumentacionin shkollor nga shtëpia botuese “Dukagjini”, e përzgjodhi një tjetër shtëpi botuese si furnitore për tri vitet e ardhshme të nga vitit 2026 deri më 2029.
Fituese e konkursit, i cili ka ngritur pikëpyetje për transparencën dhe mënyrën e zhvillimit të procesit, u përzgjodh shtëpia botuese “Pema Sh.P.K”, ka mësuar Paparaci.
Rezultatet preliminare të konkursit u shpallën zyrtarisht në uebfaqen e Ministrisë së Arsimit. Data e publikimit të rezultateve, sipas dokumentit të publikuar nga MASh, është 29 korriku (29.07.2026). Por shpallja është kryer të hënën më 3 gusht (03.08.2026).
“Pas shqyrtimit të aplikimeve, sipas kritereve dhe kushteve të përcaktuara në konkursin e shpallur më 25.06.2026, për përzgjedhjen e dokumentacionit shkollor për periudhën deri në tri (3) vite, nga viti shkollor 2026/2027 deri në vitin shkollor 2028/2029, Komisioni i caktuar për përzgjedhjen e botuesit të dokumentacionit shkollor, në mbledhjen e mbajtur më 27.07.2026, ka përzgjedhur operatorin ekonomik/shtëpinë botuese me kodin 1990”, thuhet në shpalljen e MASh.
“Afati për paraqitjen e ankesës është pesë (5) ditë pune nga dita e shpalljes së këtij njoftimi”, theksohet në njoftim.
Vonesa e shpalljes së rezultateve nga dita e përcaktuar në dokument (29.07.2026) ka ngritur hije të rënda dyshimi për trajtimin e barabartë të operatorëve ekonomikë dhe transparencën e procesit.
Kjo për arsye se dita e shpalljes së rezultateve preliminare të konkursit përkon të jetë edhe dita e fundit për paraqitjen e ankesave ndaj vendimit. Në këtë rast, operatori i diskualifikuar, shtëpia botuese “Dukagjini”, ka pasur vetëm kohë të limituar për të analizuar vendimin e komisionit dhe përgatitjen e ankesës për rishqyrtimin e vendimit.
Në njoftim janë paraqitur edhe arsyet për eliminimin e shtëpisë botuese “Dukagjini”.
Sipas dokumentit të publikuar nga Ministria, operatori ekonomik është diskualifikuar që në fazën fillestare të shqyrtimit të aplikimit.
Arsyeja e parë e eliminimit, sipas MASh-it, lidhet me mungesën e numrit katërshifror në zarfin e aplikimit. Ndërsa arsyeja e dytë, sipas Komisionit vlerësues, është se zarfi ka përmbajtur elemente identifikuese të operatorit ekonomik
Sipas dokumentit të publikuar nga MASh, vetëm operatori ekonomik me kodin 1990 – që siç ka mësuar Paparaci është shtëpia botese “Pema Sh.P.K.” – ka kaluar të gjitha fazat e vlerësimit, përfshirë vlerësimin e mostrave të dokumentacionit shkollor dhe shqyrtimin e ofertës financiare.
Paparaci ka kërkuar të hënën sqarime nga Ministria e Arsimit lidhur me zhvillimin e procedurës, ndërsa është në pritje të një përgjigjeje zyrtare. /Paparaci.com

T� tjera
-
Komandanti i Forcave Tokësore të FSK-së zhvillon takim me homologun nga Shqipëria
Komandanti i Forcës Tokësore të Forcës së Sigurisë së Kosovës, Gjeneral Briga...
-
Iu ndal fjala në Kuvend – Rrahmani i përgjigjet Kurtit
Deputeti i Partisë Demokratike të Kosovës, Eman Rrahmani, në emisionin “DPT t...
-
Hamza për buxhetin: Nuk garanton as mirëmbajtjen
Deputeti i Partisë Demokratike të Kosovës, Bedri Hamza, ka kritikuar projektb...
-
“Ku janë 100 mijë vendet e punës?”, Bajrami akuzon Qeverinë për propagandë – publikon shifrat e Trustit
Deputetja e Lidhjes Demokratike të Kosovës (LDK), Hykmete Bajrami, ka kritiku...
-
Ambasada e Zvicrës: Marrëveshja me EFTA-n sjell mundësi të reja për bizneset kosovare
Ambasada e Zvicrës në Kosovë ka thënë se Marrëveshja e Tregtisë së Lirë mes E...
-
Buxheti i vitit të ardhshëm, Murati: Fokusi te mbështetja e kategorive jashtë tregut të punës
Ministri i Financave, Hekuran Murati, ka folur për projektbuxhetin e vitit të...
-
Kosova me nismë të re për ndryshimin e Ligjit për Specialen, pas kritikave nga ndërkombëtarët
Kosova do të ndërmarrë një nismë të re për ta ndryshuar Ligjin për Dhomat e S...
-
“Disiplinohu pak ministër”, Hoti i reagon Muratit gjatë debatit për buxhetin
Deputeti i LDK-së, Avdullah Hoti, ka kritikuar projektbuxhetin, duke thënë se...
-
Për Ligj të ri për Specialen procedurat nisin nga zero, Cakolli: Nëse deri të hënën s’rrëzohet veto e Presidentes, ai që u votua s’vlen asgjë
Eugen Cakolli nga Instituti Demokratik i Kosovës (KDI) ka shpjeguar procedura...
-
Përfundon dita e dytë e vizitës së Krasniqit te familja, e kthejnë në EULEX
Jakup Krasniqi ka qëndruar edhe sot në Kosovë, ku ka vizituar familjen e tij ...
-
Aksion në gjithë Kosovën: Mbyllen 15 lokale ‘muzikë live’ dhe qendra masazhi, arrestohen 8 persona
Policia e Kosovës ka realizuar planin operativ “Vjeshta 2026”, në kuadër të l...
-
Haxhiu: Buxheti i vitit 2027 nuk është zhvillimor, por konsumues
Deputetja e Aleancës, Teuta Haxhiu, ka kritikuar projektbuxhetin për vitin 20...



































