Sport

Messi: Kupa e Botës plotëson karrierën time, do të doja të ma dorëzonte Diego

Autori: Gazeta inFokus 07:58 | 31 January 2023

Lionel Messi dha intervistën e parë që pas triumfit në Botërorin 2022 për gazetarin argjentinas, Andy Kusnetzoff, duke pranuar se ishte një fitore që “mbyll rrethin” e karrierës së tij dhe rrëfeu se do të donte “Diego Maradona t’ia kishte dorëzuar trofeun.”

“E kisha thënë disa vite më parë se e dija që Zoti do të ma jepte këtë dhuratë, se ai e kishte rezervuar për mua. Nëse do të kishte një moment që mund të zgjidhja se kur duhet ta fitoja do të ishte ky, siç ndodhi. Fitimi i Kupës së Botës plotëson rrethin e karrierës sime profesionale”, -është shprehur “ylli” argjentinas.

Mungonte vetëm diçka, ose më mirë dikush, që të ishte gjithçka perfekte:
“Do të kisha dashur që të ma jepte Diego Maradona kupën ose, të paktën, të ishte gjallë që të mund të më shihte. Argjentina sërish kampione bote, ai që e donte shumë kombëtaren”.

-Advertisement-

Dhe në fund shtoi: “E ndjeva mbështetjen e tij Diegos nga Parajsa. Pashë Kupën dhe ndjeva se po më thoshte “eja këtu, më merr”, pashë sa shumë po shkëlqente në atë stadium të mrekullueshëm”.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy