Lajme

Mesazhi prekës i Halil Matoshit për gazetarin e ndjerë, Ganimet Klaiqi!

Autori: Gazeta inFokus 11:59 | 15 May 2017

Gazetari dhe publicisti shumë vjeçar, i cili së fundi kaloi në AAK, Halil Matoshi ka një mesazh prekës për ish- kolegun e tij, Ganimet Klaiqi i cili ndërroi jetë sot.

Matoshi përmes një shënimi në shënimi në Facebook i ka thënë lamtumirën e fundit.

Shënimi i plotë i Matoshit:

-Advertisement-

Na la Ganimet Klaiqi – Lamtumirë koleg i dashtun!?

Mbramë m’zu ankthi por s’me kish lanë ende shpresa – kam qa nji copë herë t’mirë – e sot s’kam ma as lot!

Na la kolegu ynë i mirë dhe i drejtë – profesionisti i zoti – te cilin e kam njofte pergjjate tanë jetes se Tina, që herët bashkë e morëm anën e lirisë – e kam punue me te ne KOHA Ditore plot shtatë vjet!

M’la dosti i jem me t’cilin kemi ba udhë, kemi folë e debatue ashpër, tuj e gjurmue të vërtetën…

I dinjitetshem dhe i virtytshem – gjithnjë i buizëqeshun – ia kemi thanë shpesh edhe kangës sëbashku;

Kurrë s’kam me e harrue njat za pushkë të malësorit Gallapian që kapte majat si një tenor per me u matë me Majën e Kitkës rrëzë së cilës asht le!

Ky njeri shpirtmadh, vetëm disa orë para se me ndrrue jetë – me forcën e vdekjes – kishte marrë anën e jetës dhe po e mbronte të drejtën me e thanë të vërtetën, po e mbronte lirinë e fjales, koleget e tij…

Ishte koleg shembullor por edhe mësues i urtë që di të fal – ishte mësuesi i parë i Artianas në gazetari – për të cilën m’pati thanë se “fjalia e saj asht me palcë dhe e formësueme aq mirë si me pas punue me dekada” – e unë për vajzen teme hala s’e kisha ditë qe di me shkrue për gazetë!?

Falemneres për Mësuesin e Ty Artianë ngushëllime!

Kam pas qef me t’mbajte mend t’ri e t’hjeshem dhe mbi t’gjitha t’buzëqeshun mik, se na pate msue keq: Tanë jetën na ke dhanë vetëm kurajë e buzëqeshje!

-“Ku je djalë, qe po ta harroj emnin…?”?

Po jo Klajë, ti je shegarë shpesh, ama unë tash nuk jam n’qef për hokat tua dhe nuk kam me ta harrue emnin kurrë!

Te betohem!

Ngushëllime Zojes Klaiqi dhe fëmijeve, farefisit të gjanë e miqve!

Të jeni të sigurt që Ganimeti u ka lanë emën t’mirë e krenohuni me të!

U thom me krejt qenien time: Të jeni të sigurt që Ganimeti u ka lanë emën t’mirë e krenohuni me të!

Hiri i Perëndisë raftë mbi të e i lehtë i qoftë dheu i Atdheut!

Na i këpute dyja kambët Ganimet bre!

Lamtumirë i dashtun!

Subscribe në YouTube: GAZETA INFOKUSI
Etiketa:
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm
-Advertisement-

Të tjera

Fokusi

lajme