Lajme

Mehaj: Filloi procesi planifikues për pjesëmarrjen në stërvitjen “Defender Europe 23”

Autori: Gazeta inFokus 13:31 | 21 April 2022

Ministria e Mbrojtjes përmes Shtabit të Përgjithshëm të FSK-së si dhe me të gjitha strukturat komanduese dhe shtabore të të gjitha niveleve të FSK-së kemi filluar procesin planifikues për pjesëmarrjen e fuqishme në Stërvitjen ”Defender Europe 23”.

Ministri Armend Mehaj, ka bërë të ditur se sot ka vizutuar oficerët, nënoficerët dhe nëpunësit në SHP të FSK-së për t’i uruar dhe përgëzuar për fillim të mbarë të ndërmarrjes më të madhe stërvitore në historinë tonë “Defender-Europe’23”, së bashku me forcat e 28 vendeve aleate të udhëhequra nga Komanda e Forcave Amerikane për Evropë dhe Afrikë.

“Pas suksesit të vitit të kaluar, së bashku ndamë besimin e plotë se do të Republika e Kosovës, si vend pritës, dhe mbi një mijë trupa tona manovruese, krahas angazhimit tonë në strukturat komanduese dhe shtabore të task-forcë shumëkombëshe, do të arrijmë të realizojmë me sukses të plotë, pjesën e përgjegjësisë sonë operacionale dhe taktike. Objektivë kryesore e jona për vitin 2022/23 është zhvillimi i aftësive dhe kapaciteteve operacionale për mbrojtjen e integritetit territorial, pavarësisë dhe sovranitetit shtetëror të vendit tone”, ka shkruar Mehaj në FacebooK.

-Advertisement-

Tutje, Mehaj tha se “Defender-Europe 23” ‘do të jetë sprova jonë që do ta realizojmë me sukses të plotë dhe do të ri-konfirmojmë fuqishëm se jemi të gatshëm plotësisht për të dhënë kontributin efektiv bashkë me forcat e vendeve aleate në sigurinë dhe stabilitetin rajonal, kontinental dhe global’.

May be an image of 4 people, people standing and military uniform

May be an image of 6 people, people standing and military uniform

Subscribe në YouTube: GAZETA INFOKUSI
Etiketa:
-Advertisement-

Të tjera

Fokusi

lajme