Lajme

Haradinaj premton ndërtimin e 8 liqeneve akumuluese: Zgjidhje shekullore për ujin e pijshëm

Autori: Gazeta inFokus 15:36 | 31 Janar 2025

Kandidati për kryeministër nga koalicioni “Kosova Fituese”, Ramush Haradinaj ka shpaluar programin për ndërtimim e tetë liqeneve akumuluese.

Ai është shprehur se me ndërtimin e tyre, do bëhet zgjidhja shekullore për ujin e pijshëm.

“’Kosova Fituese’ me ndërtimin e digave do të zgjidhë problemin e furnizimit me ujë për njëqind vitet e ardhshme. Jemi të vendosur ta bëjmë këtë zotim realitet, sepse është një detyrim ndaj Kosovës”, ka shkruar Haradinaj.

-Advertisement-

Programi përfshin projektet që janë paraparë në Strategjinë shtetërore për Ujërat, hartuar gjatë qeverisjes Haradinaj:

Ndërtimi i digës në lumin Lepenc në fshatin Firajë – furnizim me ujë për komunat Ferizaj, Kaçanik, Shtërpcë, Shtime dhe Lipjan.
Ndërtimi i digës në lumin Manastircë, afër fshatit Reçan – furnizim me ujë për komunën e Prizrenit.
Ndërtimi i digës në Dragaçinë – furnizim me ujë për komunën e Suharekës.
Ndërtimi i digës në Lloqan – furnizim me ujë për komunën e Deçanit.
Ndërtimi i digës së Pollatës – furnizim me ujë për komunat Prishtinë dhe Podujevë.
Ndërtimi i digës së Kuqicës – furnizim me ujë për komunat Drenas dhe Skenderaj.
Ndërtimi i digave të Kremenadës ose Desivojcës – furnizim me ujë për komunën e Kamenicës.
Ndërtimi i digës në Shushë të Vitisë ose në Pogragjë të Gjilanit – Përmes studimit të fizibilitetit do të përcaktohet cila prej këtyre digave është më e përshtatshme për furnizimin me ujë të komunave Gjilan e Viti.
“Përveç ujit të pijshëm, digat do të shërbejnë edhe për ujitjen e tokave bujqësore, prodhimin e energjisë përmes hidrocentraleve dhe zhvillimin e zonave rekreative. Programi i koalicionit për Kosovën Fituese përmban konceptet inxhinierike të gatshme për zbatimin e këtyre projekteve”, ka shkruar tutje Haradinaj.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy