Lajme

Mbyllet Konsullata e Përgjithshme e Kosovës në Strugë

Autori: Gazeta inFokus 15:01 | 22 September 2026

Konsullata e Përgjithshme e Republikës së Kosovës në Strugë është mbyllur zyrtarisht, ka njoftuar Ambasada e Kosovës në Maqedoninë e Veriut.

Sipas njoftimit, vendimi është marrë në kuadër të riorganizimit dhe optimizimit të resurseve diplomatike dhe konsullore të Kosovës në këtë shtet.

“Bazuar në Dekretin Nr. 150/2025 të Presidentes së Republikës së Kosovës dhe në zbatim të Vendimit përcjellës Nr. Ref. 261/2026 të Ministrisë së Punëve të Jashtme dhe Diasporës, njoftojmë se është mbyllur Konsullata e Përgjithshme e Republikës së Kosovës në Strugë, Republika e Maqedonisë së Veriut”, thuhet në njoftimin e Ambasadës.

-Advertisement-

Sipas Ambasadës, mbyllja e konsullatës është bërë pas vlerësimit të dinamikës së misionit konsullor dhe synon përshtatjen e strukturës diplomatike me qëllimet dhe nevojat institucionale.

Megjithatë, prania e Kosovës në Strugë do të ruhet përmes zyrës së Konsullit të Nderit, i cili do të vazhdojë të ketë juridiksion konsullor në këtë qytet.

Ndërkaq, shërbimet konsullore për shtetasit e Kosovës në territorin e Maqedonisë së Veriut do të ofrohen nga Ambasada e Kosovës në Shkup.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy