Lajme

Policia zbulon detajet e plagosjes së dy familjarëve në Gjakovë, i dyshuari përfundon në mbajtje

Autori: Gazeta inFokus 09:19 | 11 November 2026

Dy persona janë plagosur me armë zjarri të martën në Gjakovë, pas një incidenti mes familjarëve. I dyshuari për plagosjen është arrestuar nga Policia e Kosovës.

Sipas raportit 24-orësh të Policisë, rasti ka ndodhur më 10 nëntor, rreth orës 16:30, ndërsa është iniciuar si “Vrasje në tentativë” dhe “Armëmbajtje pa leje”.

Të dy viktimat, meshkuj kosovarë, janë dërguar për trajtim mjekësor dhe, sipas mjekëve, janë jashtë rrezikut për jetë.

-Advertisement-

Policia ka bërë të ditur se personat e përfshirë në incident kanë lidhje familjare ndërmjet vete, ndërsa motivi i rastit ende nuk dihet.

“Gjakovë 10.11.2026 – 16:30. Dy meshkuj kosovarë janë plagosur me armë zjarri nga i dyshuari mashkull kosovar. Viktimat janë dërguar për trajtim mjekësor dhe sipas mjekëve janë jashtë rrezikut për jetë. Palët e përfshira në incident janë në lidhje familjare ndërmjet vete dhe motivi i rastit nuk dihet. I dyshuari është arrestuar dhe nga i njëjti është sekuestruar një armë që dyshohet se është përdorë në rast, katër gëzhoja dhe një fishekë. Po ashtu bashkëshortja e të dyshuarit e ka dorëzuar në polici një armë gjuetie që ishte në pronësi të personit të dyshuar”, thuhet në njoftimin e Policisë.

Tutje, bëhet e ditur se me vendim të prokurorit, i dyshuari është dërguar në mbajtje pas intervistimit.

Etiketa:
Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy