Mbi 1 mijë punëtorë fitojnë kontestin për paga shtesë për orët e punës në vikend në KEK
![](https://gazetainfokus.com/wp-content/uploads/2022/10/36.jpeg)
Autori: Gazeta inFokus
12:05 | 09 October 2022
Mbi 1 mijë e 200 punëtorë të KEK-ut kanë fituar në tri shkallshmëri betejën ligjore civile, të cilët e kishin nisur kundër të paditurës KEK në vitin 2012 për kompensimin e pagave shtesë për punën e kryer gjatë fundjavës.
Punëtorët e Korporatës Energjetike të Kosovës (KEK), kishin ngritur padi në vitin 2012, duke pretenduar se e paditura nuk i kishte kompensuar shtesë gjatë punëve të fundjavës për periudhën 1 tetor 2011 deri më 30 shtator 2017.
Në aktgjykimin e siguruar nga “Betimi për Drejtësi”, rezulton se Gjykata Themelore në Prishtinë ka gjetur se paditësit nuk ishin kompensuar për punën shtesë gjatë fundjavës, e drejtë kjo që iu takonte në bazë të nenit 56par.1 të Ligjit të Punës në të cilin ceket se “Të punësuarit i takon paga shtesë në përqindje të pagës bazë, si më poshtë: 20% në orë për kujdestari, 30% në orë për punë gjatë natës dhe punë jashtë orarit, 50% në orë për punë gjatë ditëve të festave dhe 50% në orë për punë gjatë fundjavës”.
Sipas arsyetimit të aktgjykimit të Gjykatës Themelore, rezulton se ishte provuar në bazë të kontratave të punës të vitit 2011 dhe nenit 39 të Kodit të Punës se ishte e paraparë kompensimi për orët shtesë për punën gjatë fundjavës.
“Megjithatë nga provat e administruara gjykata ka gjetur se paditësit posedojnë kontratat e punës me të cilat argumentohet se të njëjtin punojnë me ndërrime, ashtuqë nga ekspertiza financiare është vërtetuar se ata kanë punuar edhe ditëve gjatë fundjavës (të shtunave dhe të dielave) varësisht prej kohës së punës përkatësisht ndërrimeve ndërsa e paditura nuk ua kompensuar 50% për orët për punë gjatë fundjavës e as nuk ua ka dhënë ndonjë ditë të lirë në emër të pagës shtesë”, thuhet në arsyetimin e vendimit.
Gjykata ka gjetur se në bazë të ekspertizës financiare të gjithë paditësit kishin punuar me ndërrime dhe të njëjtit kishin punuar edhe gjatë ditëve të fundjavës varësisht prej kohës së punës.
“Sipas dispozitave ligjore një ndër të drejtat themelore të punëtorit është paga, në këtë rast e drejtë themelore e paditësve është paga shtesë për punët e kryera gjatë fundjavës(të shtunave dhe dielave), sipas dispozitave të nenit 55 të Ligjit të Punës, të cilin të drejtë paditësit nuk e kanë realizuar”, thuhet në arsyetimin e Gjykatës.
Gjykata në këtë vendim kishte refuzuar kërkesëpadinë për disa paditës pasi të njëjtit nuk kishin argumentuar bazën e kërkesëpadisë.
Në këtë proces pretendimet e të paditurës ishin se kërkesëpadia e paditësve ishte e pabazuar për faktin se paditësit nuk kishin punuar jashtë orarit të punës, nuk kishin pasur orë shtesë. Sipas KEK-ut paditësit kishin punuar gjatë orarit të rregullt të punës për shkak se veprimtaria e KEK-ut ishte specifike, e paditura kishte bërë rregullimin e orarit të punës me ndërrime në harmoni me Ligjin e Punës .
Sipas KEK-ut, punëdhënësi paguante orët shtesë vetëm jashtë orarit të rregullt të punës, në rast se punëtori thirrët nga pushimi që të punonte në fundjavë.
Mirëpo këto pretendime, Gjykata i ka gjetur të pabazuara, pasi nga ekspertiza financiare kishte vërtetuar se faktin se paditësit kishin punuar gjatë fundjavës ndërsa nuk ua ka kompensuar shumën prej 50% të pagës.
Këtë vendim të Gjykatës së Prishtinës e ka vërtetuar edhe Gjykata e Apelit, kurse këto dy të fundit i ka konfirmuar edhe Gjykata Supreme, e cila ka refuzuar revizionin e të paditurës.
“Gjykata Supreme e Kosovës, në këtë gjendje të çështjes konkrete juridiko civile, pranon si të themeltë qëndrimin juridik të gjykatave të instancës më të ulët, lidhur me aprovimin si pjesërisht të themeltë të kërkesëpadisë së paditësve, përkitazi me kompensimin e pagës shtesë për punët gjatë fundjavës, nga se aktgjykimet e instancave më të ulëta nuk janë marrë me shkelje thelbësore të dispozitave të procedurës kontestimore e as me zbatim të gabuar të së drejtës materiale dhe se nuk 10 përfshihen me shkelje thelbësore të dispozitave të procedurës kontestimore për të cilat gjykata e revizionit kujdeset sipas detyrës zyrtare”, thuhet në arsyetimin e Supremes./BetimipërDrejtësi
![](https://gazetainfokus.com/wp-content/uploads/2024/01/31-1.png)
Të tjera
-
Rra hje masive në një pishinë në Istog, dy persona bëhen për spital
Një rrahje masive ka ndodhur sot në një pishinë në Istog, ku janë përfshirë d...
-
Ushtarët e KFOR-it bëjnë stërvitje për të mbrojtur Manastirin e Deçanit dhe zonat përreth
Ushtarët nga Batalioni Rezervë Taktik i KFOR-it (KTRBN) dhe nga Komanda Rajon...
-
Kosova e Shqipëria me ekipe të përbashkëta në luftën kundër krimit
Ministri i Brendshëm i Shqipërisë Taulant Balla zhvilloi sot një takim me min...
-
“Trepça” pezullon konkursin për 50 punëtorë
Në fillim të ketij muaji, ndërmarrja publike “Trepça” ka hapur një konkurs, p...
-
Ushtarët e KFOR-it bëjnë stërvitje për të mbrojtur Manastirin e Deçanit dhe për të siguruar zonat përreth
Ushtarët nga Batalioni Rezervë Taktik i KFOR-it (KTRBN) dhe nga Komanda Rajon...
-
Gjendja shëndetësore e të miturit që u plagos nga polici vazhdon të jetë e rëndë
Një ngjarje e rëndë kishte ndodhur në fshatin Dubravë të Istogut, natën e 15 ...
-
IHMK paralajmëron reshje shiu e breshëri
Instituti Hidrometeorologjik i Kosovës ka njoftuar se në dy ditët në vazhdim,...
-
REL: Para vjeshtës nuk pritet të ngrihet aktakuza ndaj Radoiçiqit për terrorin në Banjskë
Para vjeshtës nuk pritet të ngrihet ndonjë aktakuzë për rastin e sulmit në Ba...
-
ZKM del me njoftim për takimin QUINT -Kurti, thonë se është diskutuar hapja e urës së Ibrit për vetura
ZKM ka njoftuar se kryeministri Kurti bashkë me zv/kryeministrin Bislimi dhe ...
-
Serbia i kërkon dokumente EULEX-it për su lmin ter rorist në Banjskë
Para vjeshtës nuk pritet të ngrihet ndonjë aktakuzë për rastin e sulmit në Ba...
-
Nëna tenton të hidhet nga lumi Buna me katër fëmijët e saj, policia parandalon tragjedinë
Një nënë 27-vjeçare ka tentuar të hidhet në lumin Buna bashkë me 4 fëmijët e ...
-
Eksperti i OSHP-së i konfirmon shkeljet, kërkon anulimin tenderit për renovimin e stadiumit të Gjilanit
Eksperti i Organit Shqyrtues të Prokurimit ka remomanduar që të anulohet plot...