Lajme

Mbahet Provimi i Maturës në Kosovë: Afro 5 mijë nxënës iu nënshkruan testimit, 18 përjashtohen për shkak të telefonave

Autori: Gazeta inFokus 17:17 | 29 August 2026

Sot është mbajtur Provimi i Maturës Shtetërore në 55 qendra testimi në të gjithë Kosovën.

Sipas njoftimit të Ministrisë së Arsimit dhe Shkencës, gjatë procesit të testimit 18 kandidatë janë përjashtuar nga provimi pasi janë kapur me telefona, duke shkelur rregullat e përcaktuara për administrimin e testit.

Për këtë afat, përmes platformës eKosova kanë aplikuar gjithsej 5,033 kandidatë, ndërsa pas verifikimit janë aprovuar 4,967 aplikime.

-Advertisement-

Testimi ka nisur në orën 10:00, sipas planifikimit dhe procedurave të përcaktuara nga institucionet përgjegjëse.

Ministria ka bërë të ditur se procesi është zhvilluar në të gjitha qendrat e parapara për mbajtjen e Provimit të Maturës Shtetërore.

Njoftimi:

Ministria e Arsimit dhe Shkencës ka organizuar sot Provimin e Maturës Shtetërore, në 55 qendra të testimit në të gjithë territorin e Republikës së Kosovës.

Për këtë afat, përmes platformës eKosova kanë aplikuar gjithsej 5,033 kandidatë, ndërsa pas shqyrtimit dhe verifikimit të aplikimeve, janë aprovuar 4,967 prej tyre. Procesi i testimit ka filluar në orën 10:00 sipas planifikimit dhe procedurave të përcaktuara për administrimin e Provimit të Maturës Shtetërore.

Gjatë procesit të testimit, 18 kandidatë janë përjashtuar nga provimi për shkak të posedimit të telefonit, në kundërshtim me rregullat e përcaktuara për mbarëvajtjen dhe administrimin e provimit.

Ministria e Arsimit dhe Shkencës falënderon komisionerët, administratorët dhe të gjithë personat e angazhuar për kontributin e tyre në organizimin dhe mbarëvajtjen e Provimit të Maturës Shtetërore.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy