Lajme

Matoshi për vendimin e ri të ARBK-së: Nuk ndodh as në Kubë e Venezuelë

Autori: Gazeta inFokus 18:27 | 22 June 2023

Gazetari Halil Matoshi e ka quajtur dramë dhe akt skandaloz të Agjencisë për Regjistrim të Bizneseve, vendimin që të mbetet në fuqi tërheqja e licencës së Klan Kosovës.

“Vendim brutal, i egër. Nuk e di nëse mund të ndodhë më as në vende si Kuba dhe Venezuela, që brenda 48 orësh të merret vendimi për pezullim dhe sërish të mbetet në fuqi pa asnjë bazë ligjore”, është shprehur Matoshi në Info Magazine.

Ai ka thënë se ky vendim paraqet tendencën e qartë të pushtetit për frikësimin e gazetarëve.

-Advertisement-

“Tendencë e qartë e qeverisë për të hyrë në një rreshtim, ku i vjen era diktaturë, në një vend të vogël me ekonomi të pazhvilluar, pa ushtri të fuqishme dhe në krizë të thellë të cilën e ka shkaktuar qeverisja Kurti”.

“Gazetarët të gjithë duhet të bëhen bashkë dhe përmes të gjitha formave që kanë në dispozicion ta kundërshtojnë këtë akt të ligë të një qeverisje arrogante dhe të padijshme”.

Subscribe në YouTube: GAZETA INFOKUSI