Lajme

Lushaku-Sadriu: LDK ka qëndrim të qartë të kontribuojë në formimin e institucioneve

Autori: Gazeta inFokus 19:10 | 03 August 2026

Lidhja Demokratike e Kosovës ka konfirmuar se kryetari i saj, Lumir Abdixhiku, do të marrë pjesë në takimin e thirrur nga kryetari i Lëvizjes Vetëvendosje, Albin Kurti.

Anëtarja e Kryesisë së LDK-së, Jehona Lushaku-Sadriu, ka bërë të ditur se ftesa për takim është pranuar gjatë pasdites dhe se takimi do të mbahet nesër në orën 18:00.

“Po, pasdite kemi marrë ftesë nga kryetari i VV-së për të pasur një takim dhe për të diskutuar për mundësinë e bashkëpunimit. Është konfirmuar që i njëjti do të mbahet në orën 18:00”, ka deklaruar Lushaku-Sadriu në emisionin “DPT te Fidani” në Klan Kosova.

-Advertisement-

Ajo ka thënë se Abdixhiku do të jetë pjesë e takimit, ndërsa ende nuk dihet nëse do të shkojë i shoqëruar nga ekipi i tij apo vetëm.

Sipas saj, LDK vazhdon të ketë qëndrim të qartë për nevojën e formimit të institucioneve dhe është e gatshme të kontribuojë brenda kapaciteteve që ka.

“LDK, në vazhdën e preokupimit që ka pasur gjatë këtyre dy viteve, ka qëndrim të qartë për të kontribuar në formimin e institucioneve, aq sa ka fuqi”, ka thënë ajo.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy