Sport

Luis Enrique: I lumtur me fitoren, por diçka nuk po shkon te skuadra ime!

Autori: Gazeta inFokus 10:30 | 30 October 2023

PSG mori një fitore shumë të rëndësishme në transfertën e Brest, me skuadrën pariziene që vuajti jo pak për të regjistruar fitoren 2-3 në javën e 10-të.

Pas sfidës, trajneri Luis Enrique u shpreh i lumtur për fitoren, por pranoi se te skuadra e tij diçka nuk po shkon mirë.

“Mbappe ishte vendimtar dhe goli i tij na kënaqi pafundësisht shumë sepse ishte një sukses i rëndësishëm për ne. Ne e nisëm shumë mirë, por në pjesën e dytë Brest luajti shumë mirë dhe mund të them që kjo fitore tregoi edhe limitet tona. Unë mendoj se diçka nuk po shkon shumë mirë sepse ne nuk mund të vuajmë gjithmonë për të fituar dhe nuk do të ishte çudi edhe sikur Brest te fitonte, luajtën një ndeshje të madhe. Duhet të punojmë që këto ndeshje të mos përsëriten më, kemi potencial dhe shumë shpejt besoj se do të jemi në formën e duhur.” – përfundoi Luis Enrique.

-Advertisement-

Subscribe në YouTube: GAZETA INFOKUSI